Версия для слабовидящих
Ужъя, мерлыко политикая но ветеранъёслэн ужпумъёссыя ялан ужась ӧрилэн кенешонэз ортчиз

Ужъя, мерлыко политикая но ветеранъёслэн ужпумъёссыя ялан ужась ӧрилэн кенешонэз ортчиз

09.06.2021
Ужъя, мерлыко политикая но ветеранъёслэн ужпумъёссыя ялан ужась ӧрилэн кенешонэз ортчиз
Алексей Чернов 8 инвожое ужъя, мерлыко политикая но ветеранъёслэн ужпумъёссыя ялан ужась комиссилэсь кенешонзэ ортчытӥз. Депутатъёс элькунлэн 2020 арлы бюджетэзлэн быдэстӥськемез сярысь катӵектосэз эскеризы.
Кылем арын эпидемиология но экономика ласянь югдур секыт вал. Озьы ке но,
Элькун Кивалтэт адямиослы мерлыко юрттэт сётонъя вань ужпумъёсты быдэсъяны тыршиз, шуиз Удмуртиысь коньдон ужпумъёсъя министрлэн воштӥсез Вера Сухих. Бюджет чотысь вань предприятиос ужзэс кулэезъя нуизы, адямиослэсь тазалыксэс утёнъя, коронавируслэсь вӧлмонзэ алонъя ужрадъёс быдэсъяськизы.
Вера Сухих пусйиз, миым пандемиен сэрен бюджетэ тыронъёс ӧжытгес вуизы. Вытъёслэн быдӟалазы 49 млрд 404 млн манет луиз. Со 14 процентлы ӧжытгес 2019 арын сярысь. Соин ӵош федерал бюджетысь юрттэтлэн быдӟалаез йылӥз. Удмуртие 35 млрд 71 млн манет вуиз. 2019 арын сярысь 12,3 млрд манетлы ятыргес. Огъя элькун бюджетлэн табыш люкетэз 2020 арын 85,3 млрд манет луиз.
Уже 100,1 млрд манет кутэмын. Со 21 процентлы уногес 2019 арын сярысь. Тросгес уксё кошкиз пандемилэсь экономикалы ваем ыштонъёссэ берыктон, тазалыкез утён удысэз ужатон, адямиослы но предприятиослы юрттӥськон ужрадъёслы.
Азьвыл аръёсы сямен ик, миым бюджетысь бадӟым люкетэз уксё мынӥз мерлыко удысъёслы. Дышетон удысэз азинтонъя кун программаез быдэсъяны 27 миллиард манет висъямын, тазалыкез утён удысэз азинтонъя программалы – 16 миллиард манет, адямиослы мерлыко юрттэт сётонъя кун программалы – 15,3 млрд манет.
Коньдэтысь 33,8 процентэз уксё уждун тырыны кутӥськиз. Ваньзэ-ӧвӧлзэ та мугъёслы 33,9 млрд манет мынӥз.
Нимаз адямиослы юрттэт сётон понна бюджетысь 4 млрд 356 млн манет висъяськиз, со пӧлысь 1,8 млрд манетэз – федерал уксё.
Огъя вераса, 2020 арлы бюджетлэн табыш люкетэз 85,3 млрд манет луиз, уже кутэмын 100,1 млрд манет. Дефицитлэн быдӟалаез – 14,8 млрд манет.
Катӵектосэз депутатъёс умоен лыдъязы но сое Кун Кенешлэн матысь сессияз эскерыны дэмлазы.

Возврат к списку