Владимир Невоструев шаерамы улӥсьёсты 1 Май праздникен ӟечкылаз

Нырысетӥ куарусёнэ Россиын улӥсьёс Тулыслэсь но Ужлэсь нуналзэс пусъё. Кун Кенешлэн Тӧроез Владимир Невоструев Удмуртиысь калыкез праздникен ӟечкылаз.
«Удмуртия данъяське ужъя юн сям-йылолъёсыныз, вордӥськем музъемзэ азинтон понна тыршись калыкеныз. Ужась адямиос - кунлэн тужгес бадӟым узырлыкез но оскымон инъетэз.
Дуно улосчиосы! Сюлмысьтым тау карисько быгатыса ужамды, ӵуказе нунал понна сюлмаськыса тыршмеды понна! Музъемозь йыбырттӥсько ошмесо шаерысьтымы вань ужасьёслы, нимысьтыз ик – ужысь ветеранъёслы.
Юн тазалык, тупаса улон но бадӟым шудбур сӥзисько тӥледлы!» - шуэмын ӟечкылан гожтэтын.