Владимир Невоструев: Россилэн Азьмуртэз Посланиын пуктэм ужпумъёсты мур эскеремез возьма
29.04.2021
Туннэ Ижкарын ужаны кутскиз Кун Кенешлэн куатетӥ ӧтчамезлэн куамын кыкетӥ (азьвыл чакламтэ) сессиез. Солэсь кенешонзэ кутскыса, элькун парламентлэн Тӧроез Владимир Невоструев Россиысь каткылдытъясьёслэн Кенешазы эскерем ужпумъёс сярысь вераз. Кенешлэн пумиськонэз ортчиз 27 оштолэзе Санкт-Петербургын. Владимир Невоструев отчы Удмуртилэн нимыныз пыриськиз.
Каткылдытъясьёсын пумиськылӥз Россилэн Азьмуртэз Владимир Путин. Со парламентарийёсты Федерал Собранилы Посланияз пусъем ужпумъёсты пыр-поч эскерыны куриз. Федерал Собранилэсь но улосвыл парламентъёслэсь кат кылдытъянъя ужзэс валче нуыны, Росси Кивалтэтэн кусып возьыны кулэ, шуиз со. Россилэн Азьмуртэз пусйиз, Посланиысь уноез ӵектонъёс улосвылъёсты азинтонэн, отысь улонэз умоятонэн герӟаськемын шуыса.
Огъя вераськон пуштросо но пайдаё ортчиз, шуиз Владимир Невоструев. Со пусйиз, Посланиын пуктэм ужпумъёс бордын ӝог но пыр-поч ужано шуыса.
Каткылдытъясьёсын пумиськылӥз Россилэн Азьмуртэз Владимир Путин. Со парламентарийёсты Федерал Собранилы Посланияз пусъем ужпумъёсты пыр-поч эскерыны куриз. Федерал Собранилэсь но улосвыл парламентъёслэсь кат кылдытъянъя ужзэс валче нуыны, Росси Кивалтэтэн кусып возьыны кулэ, шуиз со. Россилэн Азьмуртэз пусйиз, Посланиысь уноез ӵектонъёс улосвылъёсты азинтонэн, отысь улонэз умоятонэн герӟаськемын шуыса.
Огъя вераськон пуштросо но пайдаё ортчиз, шуиз Владимир Невоструев. Со пусйиз, Посланиын пуктэм ужпумъёс бордын ӝог но пыр-поч ужано шуыса.