Версия для слабовидящих
Ижкарын ӝог эмъюрттэт сётон удысын ужасьёслэн нуналзылы сӥзем сӥё-дано ужрад ортчиз

Ижкарын ӝог эмъюрттэт сётон удысын ужасьёслэн нуналзылы сӥзем сӥё-дано ужрад ортчиз

28.04.2021
Ижкарын ӝог эмъюрттэт сётон удысын ужасьёслэн нуналзылы сӥзем сӥё-дано ужрад ортчиз
Туннэ Удмуртиысь кун филармониын ӝог эмъюрттэт сётон удысын ужасьёслэн нуналзылы сӥзем сӥё-дано ужрад ортчиз. Праздник нырысьсэ пусйиське. Со 2020 арын Владимир Путинлэн кичӧлтэмезъя юнматэмын.
Удмуртилэн Тӧроез Александр Бречалов пусйиз, кылем ар тужгес но умой возьматӥз, тазалыкез утён удысын асьсэлэсь ужзэс ӟеч тодӥсь зэмос профессионалъёс ужало шуыса. Кунлэн ужпумез - соослы ужзэс быдэсъяны умоесь луонлыкъёс кылдытон, шуиз кивалтӥсь.
Кун Кенешлэн Тӧроезлэн Нырысетӥ воштӥсез Надежда Михайлова тау каремзэ вераз вакчи дыр куспын юрттэт сётыны вуись, адямиослэсь улонзэс утьыны тыршись ӧнерчиослы. Кун Кенешлэн Тӧроезлэн Владимир Невоструевлэн нимыныз со Ижкарысь ӝог эмъюрттэт сётонъя Службалэн валтӥсь врачезлы Олег Прузанлы ӟечкылан гожтэт сётӥз.
Удысын кема аръёс ӵоже пайдалыко тыршем ӧнерчиос – Вавож ёрос эмъяськонниысь ӝог эмъюрттэт сётонъя ёзысь фельдшер Вероника Тимченко, Дебес ёрос эмъяськонниысь ӝог эмъюрттэт сётонъя ёзысь фельдшер Марина Касаткина, Сюмси ёрос эмъяськонниысь ӝог эмъюрттэт сётонъя ёзысь фельдшер Валентина Морозова, Ува ёрос эмъяськонниысь ӝог эмъюрттэт сётонъя ёзысь фельдшер Наталия Якимова, Шаркан ёрос эмъяськонниысь эмсузэр Татьяна Лебедева, тазалыкез утёнъя Министерствоысь ӝог эмъюрттэт сётонъя Станциысь ӧнерчиос Анатолий Дорофеев но Ульяна Валишина Кун Кенешлэн Данъян грамотаосыныз пусъемын.

Туспуктэм: Эдуард Карипов

Возврат к списку