Кун Кенешын герӟет удысэз азинтон ужпумъёсты эскеризы
21.04.2021
Туннэ Владимир Невоструев Президиумлэн ёзчиосыныз кенешон ортчытӥз. Депутатъёс шаерысьтымы герӟет удысэз азинтон ужпумъёсты эскеризы.
Удмуртиысь информатизацияя но герӟетъя министрлэн Тимур Меджитовлэн верамезъя, туннэ шаерысьтымы 93 процентэзлэн улӥсьёслэн интернетэ езъёс пыр потыны луонлыкъёссы вань. 2020 ар ӵоже волоконно-оптической линиосты кыскон но герӟет инфраструктураез азинтон понна 540 миллион манет уже кутэмын. Озьы интернетэн герӟаськем каръёслэн но гуртъёслэн лыдзы 2019 арын сярысь 17 процентлы, 2017 арын сярысь – ог кык поллы йылӥз. Туннэ 440 каръёсын но гуртъёсын улӥсьёс интернетэ езъёс пыр потыны быгато.
4G герӟетлэн шобретэз улэ огъя шаерысьтымы 93,1 процентэз улӥсьёс шедё. Гуртъёсын та лыдпус 70,6 процент луэ. 2020 арын станциосты лэсьтыны 18 процентлы тросгес коньдон висъямын. Гуртъёсы вылӥ ӟечлыко герӟет но ӝоглыко интернет вуттон – министерство азьын сылӥсь валтӥсез ужпум, шуиз Тимур Меджитов. 2024 арозь оптико-волоконной сӧзнэтэ сюрыны быгатӥсь калыклэн лыдыз 94 процентозь вуттэмын луыны кулэ, сотовой герӟетэн но мобильной интернетэн герӟам улӥсьёслэн лыдзы – 97 процентозь.
2021 арын 367 мерлыко юртъёсы вылӥ ӝоглыко интернет, 99 гуртъёсы мобильной герӟет вуттыны чакламын. Бадӟым люкетэз ужъёс мынозы «Сельсовет» улосвыл ӵектос улсын. Со мобильной герӟетъя станциосты лэсьтон понна кун субсидиос висъянэз чакла.
Кун Кенешлэн Президиумезлэн ёзчиосыз дышетсконниосты интернет вотэсэ поттонлы саклык висъязы. Тужгес но лэчыт та ужпум гурт школаос понна. Отын туннэ но герӟет ляб, соин ик пиналъёслэн карысь дышетскисьёслэн сярысь луонлыкъёссы ичигес кылё, огъя дышетонлэн ӟечлыкез лябӟе.
Кун Кенешлэн Тӧроез Владимир Невоструев пусйиз, министерствоен уж лэсьтӥське, солэн емышъёсыз вань шуыса. «Ужлэсь ӝоглыксэ азьланяз но кулэстыны уг яра. Герӟет но Интернет туннэ – гуртын улӥсь бырйисьёслэн тужгес ӵем чузъяськись юанъёссы», - шуиз Кун Кенешлэн Тӧроез. Со югдурез ялан чакланы но интыысь аскивалтон ёзъёсын кусып возьыны куриз.
Гуртъёсын герӟетъя инфраструктураез азинтон ужпумез Владимир Невоструев туэ куартолэзе Кун Кенешлэн нуналэз улсын интыосы потаса эскерыны дэмлаз.
Удмуртиысь информатизацияя но герӟетъя министрлэн Тимур Меджитовлэн верамезъя, туннэ шаерысьтымы 93 процентэзлэн улӥсьёслэн интернетэ езъёс пыр потыны луонлыкъёссы вань. 2020 ар ӵоже волоконно-оптической линиосты кыскон но герӟет инфраструктураез азинтон понна 540 миллион манет уже кутэмын. Озьы интернетэн герӟаськем каръёслэн но гуртъёслэн лыдзы 2019 арын сярысь 17 процентлы, 2017 арын сярысь – ог кык поллы йылӥз. Туннэ 440 каръёсын но гуртъёсын улӥсьёс интернетэ езъёс пыр потыны быгато.
4G герӟетлэн шобретэз улэ огъя шаерысьтымы 93,1 процентэз улӥсьёс шедё. Гуртъёсын та лыдпус 70,6 процент луэ. 2020 арын станциосты лэсьтыны 18 процентлы тросгес коньдон висъямын. Гуртъёсы вылӥ ӟечлыко герӟет но ӝоглыко интернет вуттон – министерство азьын сылӥсь валтӥсез ужпум, шуиз Тимур Меджитов. 2024 арозь оптико-волоконной сӧзнэтэ сюрыны быгатӥсь калыклэн лыдыз 94 процентозь вуттэмын луыны кулэ, сотовой герӟетэн но мобильной интернетэн герӟам улӥсьёслэн лыдзы – 97 процентозь.
2021 арын 367 мерлыко юртъёсы вылӥ ӝоглыко интернет, 99 гуртъёсы мобильной герӟет вуттыны чакламын. Бадӟым люкетэз ужъёс мынозы «Сельсовет» улосвыл ӵектос улсын. Со мобильной герӟетъя станциосты лэсьтон понна кун субсидиос висъянэз чакла.
Кун Кенешлэн Президиумезлэн ёзчиосыз дышетсконниосты интернет вотэсэ поттонлы саклык висъязы. Тужгес но лэчыт та ужпум гурт школаос понна. Отын туннэ но герӟет ляб, соин ик пиналъёслэн карысь дышетскисьёслэн сярысь луонлыкъёссы ичигес кылё, огъя дышетонлэн ӟечлыкез лябӟе.
Кун Кенешлэн Тӧроез Владимир Невоструев пусйиз, министерствоен уж лэсьтӥське, солэн емышъёсыз вань шуыса. «Ужлэсь ӝоглыксэ азьланяз но кулэстыны уг яра. Герӟет но Интернет туннэ – гуртын улӥсь бырйисьёслэн тужгес ӵем чузъяськись юанъёссы», - шуиз Кун Кенешлэн Тӧроез. Со югдурез ялан чакланы но интыысь аскивалтон ёзъёсын кусып возьыны куриз.
Гуртъёсын герӟетъя инфраструктураез азинтон ужпумез Владимир Невоструев туэ куартолэзе Кун Кенешлэн нуналэз улсын интыосы потаса эскерыны дэмлаз.