Версия для слабовидящих
Юкаменск но Яр ёросъёсысь школаосын тазалыкъя урокъёс ортчизы

Юкаменск но Яр ёросъёсысь школаосын тазалыкъя урокъёс ортчизы

20.04.2021
Юкаменск но Яр ёросъёсысь школаосын тазалыкъя урокъёс ортчизы
Юкаменскысь шоръёзо но Ярысь 2 номеро школаосын тазалыкъя урокъёс ортчизы. Пиналъёсын пумиськылӥзы Кун Кенешлэн Тӧроез Владимир Невоструев, элькун парламентысь физкультурая, спортъя но егитъёсын ужан политикая комиссилэн кивалтӥсез, дуннелэн куинь пол чемпионэз, олимпи шудонъёслэн кык пол призёрзы, Россиысь спортъя дано мастер Иван Черезов но тазалыкез утёнъя министерстволэн профилактикая элькун центрысьтыз ёзэтэн кивалтӥсь Эльвира Нелюбина.
«Улонын азинлыко луон, вормонъёс басьтон понна, тазалык кулэ. Нош со сярысь пинал дырысен сюлмаськоно, спортэн эшъяськоно», - шуиз Владимир Невоструев. Со школаослы тупъёс кузьмаз, пиналъёслы экзаменъёссэс умой сётыны сӥзиз.
Иван Черезов бадӟым классъёсын дышетскись пиналъёслэн юанъёссылы валэктонъёс сётъяз, покчиосыз понна зарядка ортчытӥз. Юкаменск школаын со пиналъёсын футболэн шудӥз. Нылпиос тодмо спортсменлэсь автографсэ басьтӥзы, соин туспуктэме пуксизы.
Эльвира Нелюбина тазалыкез утён сярысь вераськон ортчытӥз, мода сьӧры мултэс уиськонлэсь, мерлыко вотэсъёсы выёнлэсь кышкытлыксэс валэктӥз. «Пиналъёс туж сак кылзӥсько, асьсэлэсь малпанъёссэс мыло-кыдо шараяло», - пусйиз со.
Кун Кенешлэн Тӧроезлэн Владимир Невоструевлэн верамезъя, школаосын тазалыкъя урокъёс кыстӥськозы дышетскон ар пумозь.



Возврат к списку