Версия для слабовидящих
Андрей Исаев Владимир Невоструевен выль катъёс бордын ужан сярысь кенешиз но Ижкарысь ветеранъёсын пумиськылӥз

Андрей Исаев Владимир Невоструевен выль катъёс бордын ужан сярысь кенешиз но Ижкарысь ветеранъёсын пумиськылӥз

17.04.2021
Андрей Исаев Владимир Невоструевен выль катъёс бордын ужан сярысь кенешиз но Ижкарысь ветеранъёсын пумиськылӥз
Удмуртиысь Кун Кенешлэн Тӧроез Владимир Невоструев но Кун Думаысь «Единая Россия» фракцилэн кивалтӥсезлэн Нырысетӥ воштӥсез Андрей Исаев выль катъёс кылдытъян но матысь толэзьёсы валче ужан сярысь кенешизы.
Кун Думаысь депутат озьы ик Ижкарын кӧня ке мукет пумиськонъёс ортчытӥз. Кар Думалэн Тӧроеныз Олег Гаринэн ӵош со шоркарысь ветеран огазеяськонъёслэн ёзчиосынызы пумиськылӥз. Депутатъёс ветеранъёслэн юанъёссылы валэктонъёс сётъязы, быдэстэм ужзы сярысь веразы, азьланезлы чакланъёссэс шараязы.
Андрей Исаев пусйиз, вить ар ӵоже Удмуртиысь кӧня ке лэсьтӥськонъёсты быдэстыны луиз шуыса. Соос пӧлын – Йӧскалык лыдӟиськонни но «Адели» нылпи реабилитация центр. Кӧня ке выль школа пуктыны федерал бюджетысь ватсаса коньдон кыскыны луиз.
Со нуналэ ик Андрей Исаев Кузебай Герд нимо Йӧскалык музее вуылӥз. Со тодматскиз ужась экспозициосын, сэрттэм-пертчемез кулэ карись ужпумъёсын тунсыкъяськиз. Йӧскалык музейысь методикая ёзэтлэн кивалтӥсез Наталья Шумилова депутатлы «Секреты удмуртских мастеров» книга кузьмаз. Со Удмуртилэн кунлык басьтэмез дырысен но «Удмуртия» издательствоын нырысетӥ книга поттэм дырысен 100 ар тырмон улсын поттэмын.



Возврат к списку