«Доступная среда» кун программалэсь но «Единая страна – доступная среда» ӵектослэсь быдэсъяськемзэс эскеризы
15.04.2021Ужъя, мерлыко политикая но ветеранъёслэн ужъёссыя комиссилэн кивалтӥсез Алексей Чернов «Доступная среда» кун программалэсь но «Единая страна – доступная среда» партийной ӵектослэсь быдэсъяськемзэс быдэсъян ужпумъёслы сӥзем кенешон ортчытӥз.
Вераськонэ пыриськизы Кун Кенешысь депутатъёс, быдэсъясь кун тӧрлык ёзъёсын ужасьёс, партийной проектлэн Мерлыко кенешезлэн но мерлыко огазеяськонъёслэн ёзчиоссы.
Пумиськонлэн кутсконаз 2020 арын шуркынмон толэзе ортчем кенешонын сётэм косонъёслэн быдэсъяськемзы сярысь ивортӥзы. Соос пӧлын – ёросъёсысь но каръёсысь мерлыко ужъюртъёсты тазалыксыя сюбегатэм луонлыкъёсын муртъёслы тупатон: пыран-потан интыосты, ӧсъёсты паськытатон, пандусъёс но борддор вӧзтӥ нимысьтыз кутӥськонъёс лэсьтон, ляб адӟись но кылӥсь адямиослы чаклам тӥрлыкъёсты пуктылон, озьы ик нимысьтыз инвентарь, тренажёръёс басьян. «Доступная среда» кун программалэн о дӥгез валтӥсь ӧрез – сӧсыръёслы иворъёсты тодыны луонлыкъёс кылдытон. Со улсын «Удмуртия» телерадиокомпания иворъёсты но куд-ог мукет программаосты сурдопереводэн нуэ.
2020 арын Ижкарын улӥе лэзем выжъёсын 16 выль трамвайёс ветлыны кутскизы. Соос «Кышкыттэмлыко но ӟечлыко автомобиль сюресъёс» йӧскалык проектъя басьтэмын.
Удмурт Элькунысь параолимпи но сурдолимпи спорт амалъёсъя Спортивно-адаптационной школалэн кивалтӥсез Александра Семёнова сӧсыръёс пӧлын физкультураез но спортэз азинтон сярысь вераз. Та дыре школае 237 спортсмен ветлэ. Соосын спортлэн 16 амалъёсызъя 17 тренеръёс ужало. Азинтӥсько адаптивной футбол, коляскаос вылын баскетбол, «Боча» шудон, ӝӧк выл теннис, тхэквондо, пауэрлифтинг, следж-хоккей, кылӥсьтэмъёслы но адӟисьтэмъёслы чаклам хоккей, биатлон, куасэн бызьылон, велоспорт но уян. 2020 арын параолимпи но сурдолимпи спорт амалъёслы 22 миллион манет висъямын, 13 миллионэз со – федерал бюджетысь. Басьтэмын спортсменъёсты тренировкаосы но ӵошатсконъёсы нуллон понна микроавтобус, следж-хоккеистъёслы дӧдьыос, баскетболэн шудыны коляскаос, велосипедъёс но мукет тӥрлык. Спортэн вырись сӧсыръёслы умой луонлыкъёс кылдытэмын Ижкарысь «Локомотив» стадионын. Александра Семёнова пусйиз, физкультура но спорт сӧсыр адямиослы тазалыксэс но юнматыны юрттэ, мылкыдзэс но капчиятэ.
Кенешонэ пыриськисьёс программа улсын 2021 арлы чаклам ужрадъёсты эскеризы. Озьы «Доступная среда» программа улсын 1 но 2 группаысь инвалидъёслы чаклам мерлыко таксилэн ужез, сурдопереводэн телепрограммаосты лэсьтон азьланьтӥськозы.
Кенешонэз йылпумъяса, Алексей Чернов туризм удысысь объектъёслэсь сӧсыръёслы тупамон луэмзэс эскеронлэн мынэмез сярысь вераз. Мониторинге 12 муниципал кылдытэтъёсысь лулчеберетъя 28 огазеяськонъёс пыртэмын.
Вераськонэ пыриськизы Кун Кенешысь депутатъёс, быдэсъясь кун тӧрлык ёзъёсын ужасьёс, партийной проектлэн Мерлыко кенешезлэн но мерлыко огазеяськонъёслэн ёзчиоссы.
Пумиськонлэн кутсконаз 2020 арын шуркынмон толэзе ортчем кенешонын сётэм косонъёслэн быдэсъяськемзы сярысь ивортӥзы. Соос пӧлын – ёросъёсысь но каръёсысь мерлыко ужъюртъёсты тазалыксыя сюбегатэм луонлыкъёсын муртъёслы тупатон: пыран-потан интыосты, ӧсъёсты паськытатон, пандусъёс но борддор вӧзтӥ нимысьтыз кутӥськонъёс лэсьтон, ляб адӟись но кылӥсь адямиослы чаклам тӥрлыкъёсты пуктылон, озьы ик нимысьтыз инвентарь, тренажёръёс басьян. «Доступная среда» кун программалэн о дӥгез валтӥсь ӧрез – сӧсыръёслы иворъёсты тодыны луонлыкъёс кылдытон. Со улсын «Удмуртия» телерадиокомпания иворъёсты но куд-ог мукет программаосты сурдопереводэн нуэ.
2020 арын Ижкарын улӥе лэзем выжъёсын 16 выль трамвайёс ветлыны кутскизы. Соос «Кышкыттэмлыко но ӟечлыко автомобиль сюресъёс» йӧскалык проектъя басьтэмын.
Удмурт Элькунысь параолимпи но сурдолимпи спорт амалъёсъя Спортивно-адаптационной школалэн кивалтӥсез Александра Семёнова сӧсыръёс пӧлын физкультураез но спортэз азинтон сярысь вераз. Та дыре школае 237 спортсмен ветлэ. Соосын спортлэн 16 амалъёсызъя 17 тренеръёс ужало. Азинтӥсько адаптивной футбол, коляскаос вылын баскетбол, «Боча» шудон, ӝӧк выл теннис, тхэквондо, пауэрлифтинг, следж-хоккей, кылӥсьтэмъёслы но адӟисьтэмъёслы чаклам хоккей, биатлон, куасэн бызьылон, велоспорт но уян. 2020 арын параолимпи но сурдолимпи спорт амалъёслы 22 миллион манет висъямын, 13 миллионэз со – федерал бюджетысь. Басьтэмын спортсменъёсты тренировкаосы но ӵошатсконъёсы нуллон понна микроавтобус, следж-хоккеистъёслы дӧдьыос, баскетболэн шудыны коляскаос, велосипедъёс но мукет тӥрлык. Спортэн вырись сӧсыръёслы умой луонлыкъёс кылдытэмын Ижкарысь «Локомотив» стадионын. Александра Семёнова пусйиз, физкультура но спорт сӧсыр адямиослы тазалыксэс но юнматыны юрттэ, мылкыдзэс но капчиятэ.
Кенешонэ пыриськисьёс программа улсын 2021 арлы чаклам ужрадъёсты эскеризы. Озьы «Доступная среда» программа улсын 1 но 2 группаысь инвалидъёслы чаклам мерлыко таксилэн ужез, сурдопереводэн телепрограммаосты лэсьтон азьланьтӥськозы.
Кенешонэз йылпумъяса, Алексей Чернов туризм удысысь объектъёслэсь сӧсыръёслы тупамон луэмзэс эскеронлэн мынэмез сярысь вераз. Мониторинге 12 муниципал кылдытэтъёсысь лулчеберетъя 28 огазеяськонъёс пыртэмын.