Версия для слабовидящих
Егитъёслэн парламентазы шедён понна конкурсэ ужкагазъёсты кутон 25-тӥ куарусёнэ йылпумъяськоз

Егитъёслэн парламентазы шедён понна конкурсэ ужкагазъёсты кутон 25-тӥ куарусёнэ йылпумъяськоз

05.08.2015

Кун Кенеш бордысь Егитъёслэн парламентазы шедён понна конкурслэн йылпумъяськон дырыз мукет нуналлы выжтэмын. Сыӵе пуктэт кутӥз оргкомитет, кудӥныз кивалтэ наукая, дышетонъя, культурая но егитъёсын ужан политикая ялан ужась комиссилэн тӧроез Наталья Сударикова.
Азьвыл чакламъя конкурсэ ужкагазъёсты кутон 3-тӥ гудырикошконэ йылпумъяськыны кулэ вал. Наталья Судариковалэн верамезъя, та нуналлы тырмыт вазиськонъёс вуизы, озьы ке но оргкомитет ужкагазъёсты кутон дырез кузьгес карон сярысь огкылэ вуиз.
"Трос вал милемлы жингыръясьёс. Соос вазиськонъёсты кутон дырез мукет нуналлы выжтыны курылӥзы. Со кинюртэмъёсты бичанэн кылдэм шуг-секытъёсын герӟаськемын. Угось котькудӥз кандидат 250 подписьёс люканы кулэ. Вожвылъяськонэ тросгес егитъёслы пыриськыны луонлык сётон понна ми конкурслэсь дырзэ кузьгес карим", - шуиз Наталья Сударикова.
Егитъёслэн парламентазы ужаны мылкыд карисьёс документъёссэс вайыны быгатозы 25-тӥ куарусёнозь. Со нуналэ ужкагазъёсты кутон йылпумъяськоз 13 час 30 минутэ.



Возврат к списку