Владимир Невоструев пумиськиз Удмуртиысь калык писателен Вячеслав Ар-Сергиен
10.08.2015
Дасэтӥ гудырикошконэ 2015-тӥ арын Кун Кенешлэн Тӧроез Владимир Невоструев пумиськылӥз Удмуртиысь калык писателен Вячеслав Ар-Сергиен. Соос вераськизы шаерамы литературалэн азинскемез сярысь, творческой проектъёсты улонэ пыӵатонэ кунлэн пыриськемез сярысь, бускель улосъёсысь но финно-угор дуннеысь гожъяськисьёсын валче ужзэс паськытатон сярысь.
Озьы ик, элькун парламентлэн Тӧроез Владимир Невоструев ӟечкылаз Вячеслав Ар-Сергиез Россиысь литературной медален данъяменызы. Со "Сергей Есенин" медаль - сётэмын Удмуртиысь гожъяськисьлы адямилыко традициосты дунъям но чеберлыко кылэз утемез понназ. Гожъяськисез медален пусйизы Сергей Есенинлэн кун музей-заповедниказ Рязань улосысь Константиново черкогуртын.