Президиумлэн ёзчиосыз тазалыкъя элькун центрен тодматскизы

2-тӥ гудырикошконэ 2015-тӥ арын, Кун Кенешлэн Тӧроез Владимир Невоструев кивалтэм улсын, Президиумлэн ёзчиосыз элькунысь тазалыкез утёнъя министерстволэн бурд улаз ужась тазалыкъя центре вулӥзы. Депутатъёс тодматскизы эм учрежденилэн ужан амалъёсыныз.
Туннэ шаерамы сизьым таӵе эм юртъёс усьтэмын. Витез соос пӧлысь Ижкарын интыяськемын. Озьы ик, таӵе центръёс вань Сарапул но Глазов каръёсын. Отын котькудӥз мылкыд карись дунтэк быгатэ аслэсьтыз тазалыкзэ эскерыны.
Президиумлэн ёзчиосыз пусйизы эмъясьёслэсь выли быгатонлыко луэмзэс, ужан тирлыксылэсь ӟечлыксэ. Озьы ик, парламентариос таӵе центръёсты паськытатон сярысь ужпум ӝутӥзы. Соос верамъя, 35 адями нуналаз эскерыны – со ӧжыт.
«Калык ӵемысь ӝожтӥське, тазалыкез эскерыны интыос ичи, эмъясьёс адямиослы ӧжыт дыр висъяло шуыса. Асьмелэн трос ӟеч ужъёсмы вань та пумысен, соосты калыклы возьматоно, ваньзы мед тодозы нокыӵе шуг-секытъёстэк но дунтэк аслэсьтыд тазалыктэ эскерыны луонлыкъёс вань шуыса. Центръёсты паськытатоно, быгатонлыкъёссэс будэтоно», - шуиз элькун парламентлэн Тӧроез Владимир Невоструев.