Версия для слабовидящих
Тазалыкез утён удысэз, спортэз но туризмез азинтонъя ужпумъёсты эскеризы

Тазалыкез утён удысэз, спортэз но туризмез азинтонъя ужпумъёсты эскеризы

07.09.2015

7-тӥ куарусёнэ 2015-тӥ арын элькун парламентысь наукая, дышетонъя, культурая но егитъёсын ужан политикая ялан ужась ӧрилэн кенешонэз ортчиз. Кивлтӥз соин ӧрилэн тӧроез Наталья Сударикова. Валтисез юан, кудзэ депутатъёс эскеризы, «правительственной часлы» дасяськон. Со ортчоз 29-тӥ куарусёнэ 2015-тӥ арын элькун парламентлэн 19-тӥ сессияз. Сӥземын луоз Удмуртиын 2013-тӥ — 2020-тӥ аръёсы «Тазалыкез утён удысэз, спортэз но туризмез азинтонъя» программаез быдэстон ужъёслы.
Кенешонын вераськиз физкультурая но спортъя министр Игорь Краснов. Солэн пусъемезъя, 2014-тӥ арлэн пумысеныз 2015-тӥ арлэн кутсконэз дырозь, программаез быдэстон капчиен ӧз сётӥськы. Со герӟаськемын соглашениысь партнёръёс потэмен но спорт юртъеръёсты лэсьтон дугдэмен. Но министр пусйиз нимаз партнёръёслэн юрттэменызы, туннэ нуналэ лэсьтӥсько спортъя центръёс, бассейнъёс, теннис кортъёс, озьы ик вань учыръёслы ярамон спорт ареналы проект лэсьтыны кутскемын.
Туризм удысын ужъёс сярысь депутатъёслы вераз культурая но туризмъя министрлэн воштӥсез Илья Кычанов. Солэн кылъёсызъя, 2014-тӥ арын шаерамы 450 сюрс туристъёс ветлӥзы, нош 2015-тӥ арын элькунмы дасяське 500 сюрс туристъёсты пыртыны. Удмуртиен тунсыкъяськонэз будэтыны юрттӥз Петр Ильич Чайковскийлэн 175 аресъем юбилеез но.
Туннэ кенешонын ик ялан ужась ӧри 2015-тӥ арлэн 4 кварталэзлы ужанъя план кутӥз.



Возврат к списку