Версия для слабовидящих
Егитъёслэн парламентсылэн кыкетӥ ӧтчамез ужзэ йылпумъяз

Егитъёслэн парламентсылэн кыкетӥ ӧтчамез ужзэ йылпумъяз

10.09.2015

9-тӥ куарусёнэ 2015-тӥ арын Кун Кенеш бордын ужась Егитъёслэн парламентсылэн кыкетӥ ӧтчамез берпуметӥ сессизэ ортчытӥз. Ужрадэ пыриськизы Кун Кенешлэн Тӧроез Владимир Невоструев, Кун Думалэн депутатъёсыз Николай Мусалимов но Виктор Шудегов, Кун Кенешысь депутатъёс, элькун кивалтэтлэн ёзчиосыз, Егитъёслэн парламентсылэн нырысетӥ но кыкетӥ ӧтчамлэн ёзчиосыз. Озьы ик, сессие Егитъёслэн парламентсылэн куинетӥ ӧтчамаз пыриськыны мылкыд карисьёс но ӧтемын вал.
Кун Кенешлэн Тӧроез Владимир Невоструев Егитъёслэн парламентсылэн кыкетӥ ӧтчамаз ужамъёслы тау каремзэ вераз.
«Асьме пиналъёслэсь ужзэс «5»-лы гинэ дунъясько, малы ке шуоно кыкетӥ созыв туж сэзь луиз. Малпасько, куинетӥ отчам озьы ик умой ужалоз элькунмы но кунмы понна. Туннэ нуналэ асьме егитъёслэн парламентсы Россиысь 10 тужгес но ӟеч егитъёслэн парламентъёссы пӧлы пыре. Со возьматэ профессиональной луэмзэс, улонэз умой пала берыктыны тыршемзэс», - пусйиз Владимир Невоструев.
Та сессиын Егитъёслэн парламентсылэн тӧроез Роман Соловьёв кыкетӥ ӧтчамлэн ужамезлы йылпумъянъёс лэсьтӥз. «Егитъёслэн парламентсы азьын бадӟымесь ужъёс но мугъёс сыло. Ми ваньмы валаськом, азинскон понна кулэ ӵошен ужаны», - пусйиз со.
Роман Соловьёв тау каремзэ вераз Кун Кенешлэн Тӧроезлы Владимир Невоструевлы но вань парламентариослы, ужазы юрттэмзы понна.
Тодады вайытом, Егитъёслэн парламентсылэн куинетӥ ӧтчамаз заявкаос кутӥськозы 25-тӥ куарусёнозь.






Возврат к списку