Версия для слабовидящих
Жуг-жаг куян интыосты радъян ужпумез эскеризы

Жуг-жаг куян интыосты радъян ужпумез эскеризы

16.01.2014

16-тћ толсуре Кун Кенешысь агропром огъетъя, музъем кусыпъёсъя, инкуазез уже кутонъя но утёнъя ялан ужась ќрилэн кенешонэз ортчиз. Комиссилэн тќроез Владимир Варламов кивалтэм улсын кќня ке ужпумъёсты эскеризы. Соос пќлын жуг-жагез куян интыосты радъянъя югдур но. Та уж сярысь депутатъёслы ивортћз музъем узырлыкъёсъя но инкуазез утёнъя министрлэн воштћсез Александр Кокорин. Солэн пусъемезъя, та дырлы шаерын жуг- жаг куян 550-лэсь ятыр интыос чотамын. Со пќлысь 14-ез - нимысьтыз тупатэм полигонъёс (131 гектар вылын). Соос интыяськемын Сарапул, Вотка, Можга, Глазов городъёсын но Шаркан, Кез, Дэри, Глазов, Балезино но Красногорск ёросъёсын. Туэлы 16 ёросын нимысьтыз жуг-жаг куян интыос тодмо ќвќл.
Ужан интыосысь но калыклэсь ар џоже шорлыдын 1,5 миллион тонна пала жаг поттйське. Инкуазь тужгес но кырсёме, чакламтэ интыосы жаг куямен.
2013-тћ арын утялскон месячникъёс ортчытъяса, 455 «вуж» но 53 выль куяськонъёс быдтэмын.
Удмуртиын юнматэмын жуг-жагез утялтонъя но ватонъя 2010-тћ-2014-тћ аръёслы чаклам программа. Соя республикаын лэсьтэмын луыны кулэ вал кылем-мылемъёсын ужанъя 23 станция. Но коньдон тырмымтэен, кылем арын та программае воштонъёс пыртэмын. Лэсьтыны чаклам 23 станция пќлысь кельтэмын кыкез гинэ – Пичи Пургаын но Балезиноын.
Музъем узырлыкъёсъя но инкуазез утёнъя министерство азе ужпум пуктэмын котькуд ёросын жуг-жагез одћг интые люканы.
Кун Кенешлэн куремезъя музъем узырлыкъёсъя но инкуазез утёнъя министерство жуг-жагез утялтонъя џектонъёс дасялоз.



Возврат к списку