Версия для слабовидящих
Школаосын карантин ялэм бере покчи классъёсын дышетскись пиналъёслэн анай-атайёссылы больничной тырыны дэмламын

Школаосын карантин ялэм бере покчи классъёсын дышетскись пиналъёслэн анай-атайёссылы больничной тырыны дэмламын

19.04.2022
Школаосын карантин ялэм бере покчи классъёсын дышетскись пиналъёслэн анай-атайёссылы больничной тырыны дэмламын

Удмуртиысь Кун Кенеш вазиськиз Кун Думалы но Россиысь Правительстволы, школаосын карантин ялэм бере покчи классъёсын дышетскись пиналъёслэн анай-атайёссылы больничной тырыны курыса.
Кун Кенешлэн Тӧроезлэн нырысетӥ воштӥсезлэн Надежда Михайловалэн верамезъя, таӵе кичӧлтонэн Глазовысь депутатъёслэн Кенешсы потӥз, угось пандемиен сэрен школаос карантинэ поталлязы, нош анай-атайёс шугъяськылӥзы, кинэн покчи пиналъёссэ кельтыны.
«Али 7 аресозь нылпиос висьыны кутскыку гинэ анай-атайёслы больничной сётӥське, но пандемия азямы выль куронъёс пуктӥз. Законъёсмыя, анай-атайёс нылпизылы 14 арес тырмытозь со понна кыл куто. Соин ик нылпи огназ дыръя шуге-леке сюриз ке, мумы-бубыослэсь правооссэз но таланы быгатозы. Таӵеез медаз луы шуыса, ӵектӥськомы таӵе вакытэ ужась анай-атайёсты больничное потыны лэзьыны», - пусйиз Надежда Михайлова.


Возврат к списку