Галина Кулаковалы – 80 арес

Ижысь «Динамо» стадионын яркын праздник ортчиз. 80 арес тырмонзэ пусйиз шаерысьтымы одӥгез яркыт кизили, Олимпиадалэн 4 пол чемпионкаез, дуннелэн 5 пол чемпионкаез, куасэн бызьылонъя Совето Союзысь спортъя дано мастер, Россиысь дано тренер, спортысь легенда Галина Алексеевна Кулакова. Ужрадэ пыриськиз Кун Кенешысь физкультурая, спортъя но но егитъёсын ужан политика ялан ужась ӧрилэн тӧроез Иван Черезов.
Юбилярез ӟечкыласа, ялэм «Олимпийской нуналэ» шаерамы вуылӥзы пӧртэм аръёсы ортчем Олимпиадаосын медаль басьтэм спортсменъёс: Александр Легков, Глеб Ретивых, Альберт Батыргазиев, Удмуртиысь – Владислав Лекомцев, Лилия Васильева, нош ужрадэз нуиз Россиысь тодмо комментатор Дмитрий Губерниев.
«Галина Кулакова – Удмуртилэн данъяськонэз. Туннэ праздник со понна гинэ ум ортчытӥське, туала егитъёс понна. Со кадь кужмо луыны тыршоно. Галина Алексеевналэн улоназ отёнэз: пумозяз мыноно астэ жалятэк, иське тон келялод», - шуиз Удмуртилэн Тороез Александр Бречалов.
Ужрадэз сиё-дано усьтӥзы флаг ӝутыса но Олимпийской нуналлэсь факелзэ ӝуатыса. Отӥяз шаерысьтымы училищеосын дышетскисьёслэн спартакиадазы вал. Егитъёс спортысь 5 амалъя кужымзэс эскеризы.