Кун Кенешлэн Тӧроез Владимир Невоструев Удмуртиын улӥсьёсты Вормон нуналэн ӟечкылаз

Удмурт Элькунысь Кун Кенешлэн Тӧроез, «Единая Россия» партилэн шаерысьтымы ёзэзлэн секретарез нырысетӥ воштӥсез Владимир Невоструев Удмуртиын улӥсьёсты Быдӟым Атыкай ожын Вормон нуналэн ӟечкылаз:
«Гажано эшъёс!
Асьме шаермы быдэс кунэнымы ӵош чидаз Быдӟым ожлэсь 1 сюрс 418 уйзэ но нуналзэ. Фронтэ кошкиз Удмуртиысь котькудӥз 4-тӥез адями, котькудӥз 2-тӥез ожысь ӧз берты.
Удмурт музъем вылэ 50-лэсь трос промышленной предприятиос интыяськизы, Ижысь заводъёс фронтэ 11 миллионлэсь ятыр пыӵал тӥрлык келязы, вань калык кужымзэ жалятэк тыршиз Ижевск-Балезино чугун сюресэз лэсьтонын. Асьмеос котьку тодамы возьыны кулэ, кызьы но кин вайиз Вормонэз, соку фашизмлэн выжыосыз шарае потыны уз дӥсьтэ.
Сӥзисько юн тазалык но шудо-буро улон. Йыбырттӥсько вань ветеранъёслы! Семьяосады шуд мед кузёяськоз!»