Владимир Невоструев пусъемын «Удмуртилэн дано кунмуртэз» нимын

Туннэ, 7-тӥ инвожое, Кун Кенешлэн сессияз элькун парламентлэсь Тӧрозэ сӥлы кариз Удмуртилэн Тӧроез Александр Бречалов. Владимир Невоструевлы «Удмурт Элькунлэн дано кунмуртэз» дано ним сётэмын.
Удмуртилэн Тӧроез пусйиз: «Владимир Петрович туж ӟеч радъяны быгатӥз Кун Кенешлэсь ужзэ, юнэсь кусыпъёс тупатӥз Правительствоен, муниципалитетъёсын, адямиосын. Секыт вакытэ ог-огмылы пельпуммес пуктыны быгатӥм, бадӟым командалы пӧрмим. Талы луыса ик пандемия но, санкциос но ӧз люкетэ республикамес азинтыны»
Владимир Невоструевлэн ужан сюресэз кутскиз огшоры механикысен, будӥз Юкаменск ёросысь «Трактор» хозяйствоен кивалтӥсёзь, гурт возёсъя министрозь, элькун правительстволэн Тӧроезлэн воштӥсез луыса ужаз, 2007-тӥ арысен тырше законъёс кылдытъян ёзъёсын, Кун Кенешлэн 5-тӥ но 6-тӥ ӧтчамъёсыныз кивалтӥз.