Версия для слабовидящих
Владимир Невоструев культура удысын ужасьёсты праздникенызы ӟечкылаз

Владимир Невоструев культура удысын ужасьёсты праздникенызы ӟечкылаз

25.03.2022
Владимир Невоструев культура удысын ужасьёсты праздникенызы ӟечкылаз
Удмурт Элькунысь Кун Кенешлэн Тӧроез Владимир Невоструев лулчеберет удысын удысын ужасьёсты праздникенызы ӟечкылаз.
«Та нуналэ сӥлы кариськом культура но искусство удысын ужасьёсты — театръёсын, музейёсын, библиотекаосын, клубъёсын тыршисьёсты, кырӟась-верась коллективъёсы ветлӥсьёсты. Ӵапак тӥ утиськоды но азинтӥськоды вордскем шаермылэсь лулчеберетсэ.
Котькыӵе секыт вакытъёсы но культуралы кун ласянь саклык висъяськемысь ӧз дугдылы. Юнме шат та удысэз азинтон нимысьтыз пыртэмын нацпроектъёс пӧлы. Берло 5 ар ӵоже шаерамы 9 ӵыж-выль культурая юртъёс пуктэмын,
77 гурт клубъёсын ужан тӥрлык выльдэмын.
Кун Кенешысь депутатъёс ужало республикаысь культураез узырмытон но азинтон сярысь законъёс бордын. Улонэ пыӵало ни калыкъёслэсь лулчеберетсэс, сям-йылолъёссэс, узырлыксэс утён сярысь но музей ужлы азинскыны юрттон сярысь законъёс.
Тау карисько тӥледлы пайдаё ужамды, республикаысьтымы калыкъёслэсь сям-йылолъёссэс утемды но азинтэмды понна. Сӥзисько юн тазалык, выль вормонъёс, вань малпам ужъёсты мед быдэсмозы», - пусъемын ӟечкыланын.



Возврат к списку