Кун Кенешлэн Тӧроез Выль арен ӟечкылаз

Удмурт Элькунысь Кун Кенешлэн Тӧроез Владимир Невоструев Удмуртиын улӥсьёсты Выль арен но Ымусьтонэн ӟечкылаз.
«Гажано эшъёс!
Выль ар но Ымусьтон - калыклэн яратоно праздникъёсыз, соос кузьмало шумпотоно, умоезлы оскон.
Ортчись аре котькудмы ваньзэ лэсьтӥм, ӵыжы-выосмы шудоесь мед луозы, нош Удмуртия мед азинскоз шуыса. Туннэ асьмеос тодамы вайиськом ар ӵоже улэм-вылэммес, но эшшо ӟечгес, гочатӥсьсэ витьыны кутскиськомы. Кыӵе луоз вылез ар? Умой, сюлмысь ужамы но дышетскимы ке, семьямы сярысь сюлмаськимы, мукетъёслы ӟечсэ лэсьтӥмы ке...
Умоезлы оскон но ужез яратон юрттозы азьлань мыныны, малпанъёсмес быдэстыны. Асьмелы мед удалтоз! Тазлыкмы юн мед луоз!»