Версия для слабовидящих
Владимир Невоструев элькунын улӥсьёсты Удмуртилэн Кункатэзлэн нуналэныз ӟечкылаз

Владимир Невоструев элькунын улӥсьёсты Удмуртилэн Кункатэзлэн нуналэныз ӟечкылаз

07.12.2021
Владимир Невоструев элькунын улӥсьёсты Удмуртилэн Кункатэзлэн нуналэныз ӟечкылаз
Туннэ, 7 толсуре, 27 ар тырме Удмуртилэсь Кункатсэ (Конституцизэ) кутэм дырысен. 2020 арын та нунал нимысьтыз катэн элькунлэн праздник нуналъёсыз пӧлы пыртэмын.
Кун Кенешлэн Тӧроез Владимир Невоструев, элькунын улӥсьёсты зечкыласа, вераз Удмуртилэн валтӥсь катэз шаермес азинтон сюресэз пусйиз, вуоно аръёслы инъет кылдытӥз шуыса.
«27 ар талэсь азьло Удмуртилэн Вылӥ Кенешез элькунлэсь Кункатсэ юнматӥз. Сое дасян бордын пӧртэм удысъёсысь, политика ласянь пӧртэм учконъёсын улӥсь тодмо но визьмо адямиос ужазы. Валентин Кузьмич Тубылов кивалтэм улсын соос калыкез огазеясь, улослы азинскыны луонлыкъёс сётӥсь кат кылдытыны быгатӥзы.
1994 арын кутэм Кункат Удмуртилэн историяз куинетӥез Конституция луиз. Со аспӧртэмлыко вакытэ кутэмын. Туннэ нуналозь отчы 100-лэсь ятыр тупатъянъёс пыртэмын ини. Но валтӥсь пуштросэз ӧз воштӥськы, со азьвыл сямен ик адямилэсь эикрадъёссэ, катрадлыклэсь вылӥ луэмзэ уте.
Гажано эшъёс! Та дано нуналэ сӥзисько тӥледлы но матысь адямиостылы юн тазалык, байлык но шудбур. Азинсконъёс вань ужъёсады!», - шуэмын Кун Кенешлэн Тӧроезлэн ӟечкыланаз.




Возврат к списку