Владимир Невоструев «Единая Россия» партилэн XX ӧтчамезлэн ужаз пыриське

Москваын «Единая Россия» партилэн ХХ ӧтчамезлэн куинетӥ, йылпумъян, люкетэз ортче. Со улсын быръёнъёслы йылпумъянъёс лэсьтыны, партилэсь кивалтон ёзъёссэ выльдыны, вуоно арлы ужпумъёс пусйыны чакламын.
Удмуртилэн делегациеныз кивалтэ партилэн улосвыл ёзэзлэн Секретарез, Элькунлэн Тӧроез Александр Бречалов. Ӧтчамлэн ужаз пырисько Удмуртиысь Кун Кенешлэн Тӧроез, партилэн улосвыл ёзэзлэн Секретарезлэн Нырысетӥ воштӥсез Владимир Невоструев, Федераци Кенешысь экономика политикая комитетлэн кивалтӥсезлэн Нырысетӥ воштӥсез, Удмуртилэн Федераци кенешысь ёзчиез Юрий Фёдоров, Удмуртилэн Кун Думаысь депутатэз Лариса Буранова, партилэн Валтӥсь кенешезлэн ёзчиез Дмитрий Орлов, «Единая Россия» партилэн улосвыл исполкомезлэн кивалтӥсез Александр Шамшурин, Глазов кар Думаысь депутат Альберт Дюкин но Сепысь культура юртлэн кивалтӥсез Татьяна Мосова.
Ужрад Москваысь адӟытонъёсъя «Экспоцентр» огъетын, висёнъёслэсь утиськонъя вань куронъёсты чакласа, ортче.