Удмуртилэн Кун Кенешысьтыз депутатъёс Россиысь сенаторен но Кун Думаысь депутатъёсын онлайн-пумиськон ортчытӥзы

Кун Кенешлэн Президиумезлэн ёзчиосыз но муниципал кылдытэтъёсысь депутат кенешъёслэн кивалтӥсьёссы Россиысь сенаторен Юрий Фёдоровен но Россилэн Кун Думаысьтыз депутатъёсын Андрей Исаевен, Лариса Бурановаен но Олег Гаринэн видеконференция амалэн пумиськон ортчытӥзы.
Федераци Кенешысь экономика политикая Комитетлэн кивалтӥсезлэн нырысетӥ воштӥсез Юрий Фёдоров Федераци Кенешен юнматэм катъёс сярысь вераз. Валтӥсез шуыса со нимаз Россилэн 2022 но вуоно 2023-2024 аръёслы бюджетэз сярысь катэз. Кунлэн коньдэтэз нырысь ик мерлыко ужпумъёсты быдэсъянэз чакла, пусйиз сенатор. 67 млрд манет чакламын школаосты рос-прос тупатъян-выльдонлы. Будэмын тазалыкез утёнлы, дышетонлы но огъя мерлыко удыслы коньдон висъян.
Кун Думаысь «Единая Россия» фракцилэн кивалтӥсезлэн воштӥсез Андрей Исаев 2022 арлы федерал бюджетэз экономикаез но мерлыко удысэз азинтонлы чаклам коньдэт шуыса нимаз. Нырысьсэ йӧскалык байлыкез ӝутонъя Фондысь 2,5 трлн манет кутӥськоз йӧскалык проектъёсты быдэсъяны. Огъя та ӵектосъёслы коньдон висъян куинь ар ӵоже 67%-лы йылоз.
Андрей Исаев, Лариса Буранова но Олег Гарин озьы ик каткылдытъян ужзы но матысь дырлы чакланъёссы сярысь веразы.
Кун Кенешлэн Тӧроез Владимир Невоструев пусйиз, сенаторъёсын но Кун Думаысь депутатъёсын та выллем пумиськонъёс сяме пырозы шуыса.