Версия для слабовидящих
Владимир Невоструев Удмуртиысь нылкышноосты Анайлэн нуналэныз ӟечкылаз

Владимир Невоструев Удмуртиысь нылкышноосты Анайлэн нуналэныз ӟечкылаз

28.11.2021
Владимир Невоструев Удмуртиысь нылкышноосты Анайлэн нуналэныз ӟечкылаз
Россиын туннэ Анайлэн нуналэз. Праздникез кунамы 1998 арысен пусйыны кутскизы. Росси Азьмуртлэн Указэныз шуркынмонлэн берпуметӥ арнянуналэз праздникъёс пӧлы пыртэмын вал. Удмуртиысь нылкышноосты Анайлэн нуналэныз ӟечкылаз Кун Кенешлэн Тӧроез Владимир Невоструев:

«Гажано нылкышноос! Дуно но яратоно анайёс!
Сюлмысьтым ӟечкыласько тӥледыз шуныт но югыт праздникен – Анайлэн нуналэныз! Анай – котькудмы понна дунне вылысь валтӥсез адями. Со котькинлэсь зол шумпотэ асьмелэн вормонъёсмы понна, сюлмаське шуг-секыт вакытъёсамы, юрттэт кулэ луыку, нырысь ик кизэ сётэ.
Нылпиез вордон, сое пыд вылаз султытон, зэмос адямиен будэтон – быдӟым уж. Анаймылэсь асьмеос дышетскиськом ӟечез валаны, вордӥськем музъеммес яратыны. Соин ик анайлыклы юрттон – кун тӧрлыклэн одӥгез валтӥсез ужпумез.
Гажано анайёс! Тау карисько тӥледлы небыт сюлэмды, визьлыкты, чиданды понна. Тӥляд нуналлы быдэ сюлмаськемды уно шумпотонъёсын мед берытскоз, нылпиосты но нунокъёсты данъяськон мед ваёзы! Юн тазалык, ӟечлык, азинлык но байлык тӥледлы!»




Возврат к списку