Нырысетӥ лыдӟемен юнматэмын «Удмурт Элькунлэн 2022 но вуоно 2023-2024 аръёслы бюджетэз сярысь» катлэн ӵектосэз
23.11.2021
Туннэ Кун Кенешлэн куамын куатетӥ сессияз нырысетӥ лыдӟемен кутэмын «Удмурт Элькунлэн 2022 но вуоно 2023-2024 аръёслы бюджетэз сярысь» катлэн ӵектосэз.
Тодады вайытом, катӵектос Кун Кенеше вуиз 29 коньывуонэ, 2 шуркынмонэ со эскерыны кутэмын вал. Проектэн тодматскизы ваньмыз комиссиос, озьы ик ортчизы калык кылзонъёс. Туэ соос онлайн амалэн 4-сен 12 шуркынмонозь мынӥзы. Кылзонъёсы котькуд мылкыд карись адями пыриськыны быгатӥз.
Депутатъёсты катӵектосэн тодматонзэ кутскыса, Удмуртиысь коньдон ужпумъёсъя министрлэсь ужзэ быдэсъясь Вера Сухих пусйиз, куинь аръем бюджетлэн выль проектэз азьын сылӥсь валтӥсь ужпумъёс – йӧскалык проектъёсты но кунлэн Азьмуртэныз пусъем ужпумъёсты, озьы ик кунлэсь калык азьын мерлыко кылкутонзэ быдэсъян.
2022 арлы бюджетлэн табыш люкетэз 84 млрд 563 млн манет чакламын, со пӧлысь 66 млрд 416 млн манетэз – вытъёс но мукет тыронъёс. 2021 арлы бюджетлэн нырысь лыдӟонлы проектаз сярысь со 29 процентлы тросгес. Федерал юрттэтлэн быдӟалаез – 18,1 млрд манет. Кыкетӥ лыдӟонлы та лыдпус воштӥськыны быгатоз, шуиз Вера Сухих.
Уже кутон люкетлэн быдӟалаез - 85,37 млрд манет. Та арлы бюджетлэн нырысетӥ лыдӟонэзлы со 29 процентлы ӧжытгес вал. Дефицит - 814 млн манет.
Бюджетысь уксёлэн бадӟым люкетэз кутӥськоз уждун тыронлы. Та мугъёслы 26,7 млрд манет висъямын. Дышетӥсьёслэсь, эмчиослэсь, мерлыко ужасьёслэсь, культура удысын тыршисьёслэсь уждунзэс будэтыны чакламын. Шорлыдын вераса, со толэзяз 35 112 манетозь вуттэмын луоз. Кайта 1 коньывуонысен озьы ик мукет удысын тыршисьёслэсь уждунзэс 4 процентлы йылэтыны, 1 толшорысен тужгес ичи уждунлэсь быдӟалазэ ӝутыны чакламын.
Ужасьтэм адямиослы эмстрахованилы 2022 арын 7,6 млрд манет висъямын. Калыклы мерлыко юрттэт сётыны 14,1 млрд манет кутӥськоз, 5,7 млрд манетэз со – элькун бюджетысь уксё.
Со сяна, коньдон мыноз сюресъёсты но юртъёсты лэсьтонлы, гурт возёслы.
Бюджетысь уксё, азьвыл сямен ик, программаосъя люкылӥськоз. 2022 арын Удмуртиын 29 программаослэсь ужрадъёссэс быдэсъяны чакламын.
Кун Кенешлэн Тӧроез Владимир Невоструев пусйиз, бюджетлэсь проектсэ кыкетӥ лыдӟонлы дасян улсын парламентлэн но Кивалтэтлэн Президиумъёссы бадӟым уж лэсьтоно луозы шуыса. Федерал бюджетысь юрттэтлэн быдӟалаез тодмо луэм бере, уже кутоно уксёя но воштӥськонъёс луозы. Но туннэ ини уноезъя удысъёсъя коньдон висъян, 2021 арен ӵошатыса, шӧдскымон будэмын, шумпотэмзэ вераз Владимир Невоструев.
Тодады вайытом, катӵектос Кун Кенеше вуиз 29 коньывуонэ, 2 шуркынмонэ со эскерыны кутэмын вал. Проектэн тодматскизы ваньмыз комиссиос, озьы ик ортчизы калык кылзонъёс. Туэ соос онлайн амалэн 4-сен 12 шуркынмонозь мынӥзы. Кылзонъёсы котькуд мылкыд карись адями пыриськыны быгатӥз.
Депутатъёсты катӵектосэн тодматонзэ кутскыса, Удмуртиысь коньдон ужпумъёсъя министрлэсь ужзэ быдэсъясь Вера Сухих пусйиз, куинь аръем бюджетлэн выль проектэз азьын сылӥсь валтӥсь ужпумъёс – йӧскалык проектъёсты но кунлэн Азьмуртэныз пусъем ужпумъёсты, озьы ик кунлэсь калык азьын мерлыко кылкутонзэ быдэсъян.
2022 арлы бюджетлэн табыш люкетэз 84 млрд 563 млн манет чакламын, со пӧлысь 66 млрд 416 млн манетэз – вытъёс но мукет тыронъёс. 2021 арлы бюджетлэн нырысь лыдӟонлы проектаз сярысь со 29 процентлы тросгес. Федерал юрттэтлэн быдӟалаез – 18,1 млрд манет. Кыкетӥ лыдӟонлы та лыдпус воштӥськыны быгатоз, шуиз Вера Сухих.
Уже кутон люкетлэн быдӟалаез - 85,37 млрд манет. Та арлы бюджетлэн нырысетӥ лыдӟонэзлы со 29 процентлы ӧжытгес вал. Дефицит - 814 млн манет.
Бюджетысь уксёлэн бадӟым люкетэз кутӥськоз уждун тыронлы. Та мугъёслы 26,7 млрд манет висъямын. Дышетӥсьёслэсь, эмчиослэсь, мерлыко ужасьёслэсь, культура удысын тыршисьёслэсь уждунзэс будэтыны чакламын. Шорлыдын вераса, со толэзяз 35 112 манетозь вуттэмын луоз. Кайта 1 коньывуонысен озьы ик мукет удысын тыршисьёслэсь уждунзэс 4 процентлы йылэтыны, 1 толшорысен тужгес ичи уждунлэсь быдӟалазэ ӝутыны чакламын.
Ужасьтэм адямиослы эмстрахованилы 2022 арын 7,6 млрд манет висъямын. Калыклы мерлыко юрттэт сётыны 14,1 млрд манет кутӥськоз, 5,7 млрд манетэз со – элькун бюджетысь уксё.
Со сяна, коньдон мыноз сюресъёсты но юртъёсты лэсьтонлы, гурт возёслы.
Бюджетысь уксё, азьвыл сямен ик, программаосъя люкылӥськоз. 2022 арын Удмуртиын 29 программаослэсь ужрадъёссэс быдэсъяны чакламын.
Кун Кенешлэн Тӧроез Владимир Невоструев пусйиз, бюджетлэсь проектсэ кыкетӥ лыдӟонлы дасян улсын парламентлэн но Кивалтэтлэн Президиумъёссы бадӟым уж лэсьтоно луозы шуыса. Федерал бюджетысь юрттэтлэн быдӟалаез тодмо луэм бере, уже кутоно уксёя но воштӥськонъёс луозы. Но туннэ ини уноезъя удысъёсъя коньдон висъян, 2021 арен ӵошатыса, шӧдскымон будэмын, шумпотэмзэ вераз Владимир Невоструев.