Версия для слабовидящих
Бюджетъя, вытъёсъя но коньдон ужпумъёсъя ялан ужась ӧри элькунлэн 2022 но вуоно аръёслы бюджетэзлэсь ӵектоссэ умоен лыдъяз

Бюджетъя, вытъёсъя но коньдон ужпумъёсъя ялан ужась ӧри элькунлэн 2022 но вуоно аръёслы бюджетэзлэсь ӵектоссэ умоен лыдъяз

19.11.2021
Бюджетъя, вытъёсъя но коньдон ужпумъёсъя ялан ужась ӧри элькунлэн 2022 но вуоно аръёслы бюджетэзлэсь ӵектоссэ умоен лыдъяз
Владимир Паршин бюджетъя, вытъёсъя но коньдон ужпумъёсъя ялан ужась ӧрилэсь кенешонзэ ортчытӥз. Депутатъёс элькунлэн 2022 но вуоно 2023 но 2024 аръёслы коньдэтэзлэсь ӵектоссэ эскеризы. Солэсь азьвыл комиссилэн ёзчиосыз эмстрахованияя улосвыл фондлэн вуоно арлы бюджетэзлэн но элькунэз экономика но мерлык ӧръёсъя азинтон программалэн ӵектосъёсынызы тодматскизы.
Коньдэтъя катӵектос сярысь депутатъёслы вераз коньдон ужпумъёсъя министрлэсь ужзэ быдэсъясь Вера Сухих. 2022 арлы бюджетлэн табыш люкетэз 84 млрд 563 млн манет чакламын, 66 млрд 416 млн манетэз со – вытъёсъя тыронъёс. Федерал юрттэтлэн быдӟалаез та дырлы 18 млрд 147 млн манет чакламын. Кызьы вераз Вера Сухих, кыкетӥ лыдӟонлы та коньдонлэн быдӟалаез шӧдскымон воштӥськыны быгатоз.
Бюджетысь бадӟым люкетэз уксё мыноз уждун тырыны. Та мугъёслы
26 млрд 700 млн манет кутэмын луоз. Вань расходъёслэн со 39 процентсы. Дышетӥсьёслэсь, эмчиослэсь, мерлыко ужасьёслэсь, культура удысын тыршисьёслэсь уждунзэс будэтыны чакламын. Шорлыдын вераса, со толэзяз 35 112 манетозь вуттэмын луоз. Кайта 1 коньывуонысен озьы ик мукет удысын тыршисьёслэсь уждунзэс 4 процентлы йылэтыны, 1 толшорысен тужгес ичи уждунлэсь быдӟалазэ ӝутыны чакламын.
Коньдэтысь уксё 29 программаосъя люкылӥськоз. 24 млрд 209 млн манет мыноз дышетон удысэз азинтон программаысь ужрадъёслы, 14 млрд 539 млн кутӥськоз тазалыкез утён удысэз азинтон программая, 14 млрд 289 млн – адямиослы мерлыко юрттэт сётыны.
Экономика ӧръя чаклам программаослы чаклам уксёлэн ӝыныезлэсь ятырез - 8 млрд 173 млн манетэз - мыноз Удмуртиысь транспорт сӧзнэтэз азинтонъя программаысь ужрадъёслы.
27 млрд 708 млн манет висъяны чакламын интыосысь бюджетъёслы.
Огъя вераса, 2022 арлы бюджетлэн уже кутон люкетэзлэн быдӟалаез 85 млрд 377 млн манет луоз. Дефицит - 814 млн манет.
Ялан ужась ӧри катӵектосэз умоен лыдъяз но вуоно сессиын сое нырысетӥ лыдӟемен кутыны дэмлаз.
Со сяна, комиссилэн ёзчиосыз 2021 арлы бюджетэ воштонъёс пыртон сярысь катлэсь ӵектоссэ эскеризы. Кызьы вераз Вера Сухих, воштонъёс ньылетӥ кварталын уждун тыронъя, коронавирус инфекциен нюръяськонъя ужрадъёсты, йӧскалык ӵектосъёсты но кун программаосты кулэезъя быдэсъяны юрттозы, озьы ик федерал бюджетысь вуэм юрттэтэз пусъёзы.
Воштонъётсы лыдэ басьтыса, Удмуртилэн 2021 арлы бюджетэзлэн табыш люкетэз 105 млрд 430 млн манетозь вуоз, уже кутон люкетлэн быдӟалаез – 113 млрд 136 млн луоз. Дефицит – 7 млрд 706 млн манет.
Кенешонын мукет но ужпумъёс сэрттэмын-пертчемын.




Возврат к списку