Кун Кенешлэн Президиумез ужбергатон удыслы юрттэт сётонэн герӟаськем катъёслэсь пайдалыксэс эскериз
22.09.2021Туннэ Владимир Невоструев видеоконференция амалэн Кун Кенешлэн Президиумезлэсь кенешонзэ ортчытӥз. Депутатъёс ужбергатисьёслы юрттэт сётонъя улосвыл катрадлыклэсь быдэсъяськемзэ эскеризы, капчиятэм амалъя выт тырисьёслы ставкаос но патент амалэн выт тырон сярысь катъёслэн пайдалыксылы дунъет сётӥзы.
Капчиятэм амалъя выт тырисьёслы ставкаос сярысь катэз Кун Кенеш 2017 арын юнматӥз. Со дырысен отчы 8 пол воштонъёс пыртылэмын. 6-ез соос пӧлысь 2020 но 2021 аръёсы юнматэмын но ужбергатӥсьёслы капчиятонъёс кылдытонэн герӟаськемын. Кылсярысь, ужбергатонлэн куд-ог ӧръёсыз понна вытлэн быдӟалаез шӧдскымон кулэстэмын.
2020 арын шаерамы капчиятэм амалъя выт тырись 35 830 ужбергатӥсьёс пусъемын вал. Со ог 6 процентлы тросгес 2019 арын сярысь.
Миым 746 ужбергатӥсьёслы али ужзэс кутскисьёслы чаклам капчиятонъёс сётэмын. Выт тыронлэсь мозмытэмын кино адӟытон, культура, искусство, туризм, спорт, ваньмон дырез радъян удысъёсын ужась 423 ужбергатӥсьёс. Со ужан интыосты но огъя бизнесэз утьыны луонлык сётӥз.
Капчиятэм амалъя тырем вытлэн огъя быдӟалаез 3,7 млрд. манет луиз. Со 6 процентлы тросгес 2019 арын сярысь.
Ваньзэ-ӧвӧлзэ 2020 арын 2 807 выт тырисьёслы капчиятонъёс сётэмын. Соослэн огъя быдӟалазы 2,4 млрд. манет.
Патент амалэн выт тырон сярысь кат 2012 арын юнматэмын. Кун Кенешысь бюджетъя, вытъёсъя но коньдон ужпумъёсъя ялан ужась ӧрилэн кивалтӥсезлэн Владимир Паршинлэн верамезъя, 2021 арын та амалэз ужбергатонлэн 80 ӧръёсаз кутыны луонлык сётэмын вал.
2020 арын элькунамы 11 сюрс пала патент висъямын. Улосвыл бюджетэ тырем вытъёслэн быдӟалазы 95 млн. манет луиз. Со 18 процентлы ятыргес 2019 арын сярысь.
Та кык катъёслэсь быдэсъяськемзэс эскеронлэн йылпумъянъёсызъя вераны луэ - законъёслэн пайдалыксы вань, шуиз Владимир Паршин. Депутатъёсты со азьланяз но ужбергатӥсьёслэн вазиськонъёссыя ӝог но кулэезъя ужаны ӧтиз.
Бизнеслы юрттэт сётон амалъёсты паськытатонлэсь кулэлыксэ пусйиз Владимир Невоструев но. Бизнеслы ужаны умоесь луонлыкъёс сётыса, асьмеос шаермылэн азинтӥськонэзлы инъет кылдытӥськом, пусйиз Кун Кенешлэн Тӧроез.
Капчиятэм амалъя выт тырисьёслы ставкаос сярысь катэз Кун Кенеш 2017 арын юнматӥз. Со дырысен отчы 8 пол воштонъёс пыртылэмын. 6-ез соос пӧлысь 2020 но 2021 аръёсы юнматэмын но ужбергатӥсьёслы капчиятонъёс кылдытонэн герӟаськемын. Кылсярысь, ужбергатонлэн куд-ог ӧръёсыз понна вытлэн быдӟалаез шӧдскымон кулэстэмын.
2020 арын шаерамы капчиятэм амалъя выт тырись 35 830 ужбергатӥсьёс пусъемын вал. Со ог 6 процентлы тросгес 2019 арын сярысь.
Миым 746 ужбергатӥсьёслы али ужзэс кутскисьёслы чаклам капчиятонъёс сётэмын. Выт тыронлэсь мозмытэмын кино адӟытон, культура, искусство, туризм, спорт, ваньмон дырез радъян удысъёсын ужась 423 ужбергатӥсьёс. Со ужан интыосты но огъя бизнесэз утьыны луонлык сётӥз.
Капчиятэм амалъя тырем вытлэн огъя быдӟалаез 3,7 млрд. манет луиз. Со 6 процентлы тросгес 2019 арын сярысь.
Ваньзэ-ӧвӧлзэ 2020 арын 2 807 выт тырисьёслы капчиятонъёс сётэмын. Соослэн огъя быдӟалазы 2,4 млрд. манет.
Патент амалэн выт тырон сярысь кат 2012 арын юнматэмын. Кун Кенешысь бюджетъя, вытъёсъя но коньдон ужпумъёсъя ялан ужась ӧрилэн кивалтӥсезлэн Владимир Паршинлэн верамезъя, 2021 арын та амалэз ужбергатонлэн 80 ӧръёсаз кутыны луонлык сётэмын вал.
2020 арын элькунамы 11 сюрс пала патент висъямын. Улосвыл бюджетэ тырем вытъёслэн быдӟалазы 95 млн. манет луиз. Со 18 процентлы ятыргес 2019 арын сярысь.
Та кык катъёслэсь быдэсъяськемзэс эскеронлэн йылпумъянъёсызъя вераны луэ - законъёслэн пайдалыксы вань, шуиз Владимир Паршин. Депутатъёсты со азьланяз но ужбергатӥсьёслэн вазиськонъёссыя ӝог но кулэезъя ужаны ӧтиз.
Бизнеслы юрттэт сётон амалъёсты паськытатонлэсь кулэлыксэ пусйиз Владимир Невоструев но. Бизнеслы ужаны умоесь луонлыкъёс сётыса, асьмеос шаермылэн азинтӥськонэзлы инъет кылдытӥськом, пусйиз Кун Кенешлэн Тӧроез.