Версия для слабовидящих
Кун Кенешлэн Тӧроез Удмуртиысь пыӵал тӥрлык лэсьтӥсьёсты ӧнер праздникенызы ӟечкылаз

Кун Кенешлэн Тӧроез Удмуртиысь пыӵал тӥрлык лэсьтӥсьёсты ӧнер праздникенызы ӟечкылаз

19.09.2021
Кун Кенешлэн Тӧроез Удмуртиысь пыӵал тӥрлык лэсьтӥсьёсты ӧнер праздникенызы ӟечкылаз
Туннэ, 19 куарусёнэ, Россиын пыӵал тӥрлык лэсьтӥсьлэсь нуналзэ пусъё. Праздник асьмелэн улосчимылэн, туала вакытысь тужгес тодмо пыӵал тӥрлык лэсьтӥсьлэн, АК-47-ез кылдытӥсьлэн Михаил Тимофеевич Калашниковлэн кичӧлтэмезъя юнматэмын.
Удысын ужасьёсты ӧнер нуналэнызы ӟечкылаз Удмуртиысь Кун Кенешлэн Тӧроез Владимир Невоструев.
«Та праздникез шаерамы улӥсь котькуд адями аслаз шуыса пусйыны быгатэ. Угось, Удмуртилэн быдэсак историез люконтэм герӟаськемын пыӵал тӥрлык поттонэн. Быдӟым Атыкай ож аръёсы элькунмы Вормонэз дурись зэмос кебитлы пӧрмиз, фронтэ миллионъёсын пыӵал тӥрлык келяз.
Туннэ но Удмуртия Россиялы оскымон утет кылдытэ. Дорамы поттӥськись тӥрлык кунмылы кужмогес но эрикогес луыны юрттэ.
Гажано пыӵал тӥрлык лэсьтӥсьёс! Бадӟым тау тӥледлы быгатыса ужамды но сюлмысь тыршемды понна!
Сӥзисько юн тазалык, шудбур, азинлык тӥледлы но тӥляд семьяостылы, вормонъёс тӥляд та кулэ но дано ужады!», - пусъемын ӟечкылан гожтэтын.

Возврат к списку