Трос калыко спорт амалъёсты азинтон ужпумъёсты эскеризы котрес ӝӧк сьӧрын кенешонын
17.09.2021
Кун Кенешын 16 куарусёнэ трос калыкез кыскись спорт амалъёсты азинтон ужпумъёслы сӥзем котрес ӝӧк сьӧрын кенешон ортчиз. Пумиськонын озьы ик гудырикошконэ шаерамы ортчем йӧскалык но олимпи луисьтэм спорт амалъёслэн VI Огъяросси фестивальзылы йылпумъянъёс лэсьтӥзы.
Кенешонэз нуизы йӧскалык но олимпи луисьтэм спорт амалъёслэн Комитетсылэн улосвыл ёзэныз кивалтӥсь, Кун Кенешлэн депутатэз Софья Широбокова, Кун Кенешысь физкультурая, спортъя но егитъёсын ужан политикая ялан ужась комиссилэн кивалтӥсез Иван Черезов, физкультурая, спортъя но егитъёсын ужан политикая министр Александр Варшавский. Вераськонэ пыриськизы муниципал кылдытэтъёсысь кивалтӥсьёс, Удмуртиысь спортъя федерациослэн тӧрооссы.
Тодады вайытом, йӧскалык но олимпи луисьтэм спорт амалъёслэн VI Огъяросси фестивальзы Удмуртиын 10-сен 15-тӥ гудырикошконозь кыстӥськиз. Отчы Россилэн 42 улосвылъёсысьтыз 825 спортсменъёс пыриськизы. Ӵошатсконъёс 16 спорт амалъёсъя мынӥзы, соос пӧлын - армрестлинг, бильярд, лапта, мини-футбол, гозыез кыскан, самбо, шашкаосын шудон но мукет.
Йӧскалык но олимпи луисьтэм спорт амалъёслэн Комитетсылэн улосвыл ёзэныз кивалтӥсь, Кун Кенешлэн депутатэз Софья Широбокова фестивальлэсь ӟеч радъяськемзэ, программалэсь узырлыксэ, судьяослэсь шонер ужамзэс, усьтон но ворсан сӥё-дано ужрадъёслэсь чеберлыксэс пусйиз.
Ижкарын спортэз азинтон но трос калыкез спорт ужрадъёсы кыскон ужпумъёс сярысь вераз шоркар Администрацилэн Тӧроезлэн мерлыко ужпумъёсъя воштӥсез Дмитрий Чистяков. Та дыре Ижкарын улӥсьёс пӧлын пумен паськытгес вӧлме гын сапеген хоккей. Та арысен элькунысь футболлэн Федерациез юрттэмез улсын «Футбол в школу» ӵектос быдэсъяськыны кутскиз. Со школаос бордысь стадионъёсы пиналъёсты сяна, дышетӥсьёсты но кыскыны юрттэ. Баскетболъя площадкаосты ужатон понна, «Баскетбол в каждый двор» нимо проект чакламын. Умой ужа ини «Ижевское двороборье» ӵектос. Со азбаръёсысь нылпи шудонъёсты огазея.
Одӥгез валтӥсез шуыса Дмитрий Чистяков пусйиз анай-атайёсын ужез. Соос пиналъёсты спортэн тунсыкъяськытыны кулэ. Со понна Ижкарын «Папа-тренер» нимо проект кылдытэмын. Со улсын кыӵе ке спорт амалэн рос-прос вырем атайёс асьсэды тренер сямен эскерыны быгато. Тренировкаослы дунтэк интыос висъясько. Ижкарысь атайёс нылпиосты пӧртэм спорт амалъёслы дышетыны дась. Дмитрий Чистяков пусйиз, азьланяз та уже анайёсты, песянайёсты но песятайёсты кыскыны чаклало шуыса.
Калыкез спортэ кыскон бордын ужамзы сярысь веразы мукет муниципал огазеяськонъёсысь кивалтӥсьёс но.
Кенешонын озьы ик олимпи луисьтэм спорт амалъёсты азинтонъя ӵектонъёс чузъяськизы, кылсярысь, нимысьтыз спорт амалъёсъя тренеръёсты дасяны, муниципалитетъёслэсь но спортъя федерациослэсь кусыпъёссэс юнматыны, ёросъёсын но каръёсын федерациослэсь ёзъёссэс кылдытъяны. Нимысьтыз саклык висъязы иворъёсты вӧлмытон но валэктон ужлэн кулэлыкезлы. Нылпиос понна туж пайдаё луо тодмо спортсменъёсын пумиськылонъёс. Кылсярысь, алигес, Удмуртие вуылыкуз, Олимпи чемпион Давид Белявский пиналъёсын пумиськылыны но дыр шедьтӥз, соослэсь спортэн эшъяськон мылкыдзэс юнматӥз. Таӵе ужрадъёс ялан ортчылыны кулэ, пусйизы кенешонэ пыриськисьёс. Озьы ик физкультурая школа программае олимпи луисьтэм спорт амалъёсты но ватсаны дэмлазы. Вань ӵектонъёс Кун Кенешысь физкультурая, спортъя но егитъёсын ужан политикая комиссилэн ужаз басьтэмын луозы.
Кенешонэз нуизы йӧскалык но олимпи луисьтэм спорт амалъёслэн Комитетсылэн улосвыл ёзэныз кивалтӥсь, Кун Кенешлэн депутатэз Софья Широбокова, Кун Кенешысь физкультурая, спортъя но егитъёсын ужан политикая ялан ужась комиссилэн кивалтӥсез Иван Черезов, физкультурая, спортъя но егитъёсын ужан политикая министр Александр Варшавский. Вераськонэ пыриськизы муниципал кылдытэтъёсысь кивалтӥсьёс, Удмуртиысь спортъя федерациослэн тӧрооссы.
Тодады вайытом, йӧскалык но олимпи луисьтэм спорт амалъёслэн VI Огъяросси фестивальзы Удмуртиын 10-сен 15-тӥ гудырикошконозь кыстӥськиз. Отчы Россилэн 42 улосвылъёсысьтыз 825 спортсменъёс пыриськизы. Ӵошатсконъёс 16 спорт амалъёсъя мынӥзы, соос пӧлын - армрестлинг, бильярд, лапта, мини-футбол, гозыез кыскан, самбо, шашкаосын шудон но мукет.
Йӧскалык но олимпи луисьтэм спорт амалъёслэн Комитетсылэн улосвыл ёзэныз кивалтӥсь, Кун Кенешлэн депутатэз Софья Широбокова фестивальлэсь ӟеч радъяськемзэ, программалэсь узырлыксэ, судьяослэсь шонер ужамзэс, усьтон но ворсан сӥё-дано ужрадъёслэсь чеберлыксэс пусйиз.
Ижкарын спортэз азинтон но трос калыкез спорт ужрадъёсы кыскон ужпумъёс сярысь вераз шоркар Администрацилэн Тӧроезлэн мерлыко ужпумъёсъя воштӥсез Дмитрий Чистяков. Та дыре Ижкарын улӥсьёс пӧлын пумен паськытгес вӧлме гын сапеген хоккей. Та арысен элькунысь футболлэн Федерациез юрттэмез улсын «Футбол в школу» ӵектос быдэсъяськыны кутскиз. Со школаос бордысь стадионъёсы пиналъёсты сяна, дышетӥсьёсты но кыскыны юрттэ. Баскетболъя площадкаосты ужатон понна, «Баскетбол в каждый двор» нимо проект чакламын. Умой ужа ини «Ижевское двороборье» ӵектос. Со азбаръёсысь нылпи шудонъёсты огазея.
Одӥгез валтӥсез шуыса Дмитрий Чистяков пусйиз анай-атайёсын ужез. Соос пиналъёсты спортэн тунсыкъяськытыны кулэ. Со понна Ижкарын «Папа-тренер» нимо проект кылдытэмын. Со улсын кыӵе ке спорт амалэн рос-прос вырем атайёс асьсэды тренер сямен эскерыны быгато. Тренировкаослы дунтэк интыос висъясько. Ижкарысь атайёс нылпиосты пӧртэм спорт амалъёслы дышетыны дась. Дмитрий Чистяков пусйиз, азьланяз та уже анайёсты, песянайёсты но песятайёсты кыскыны чаклало шуыса.
Калыкез спортэ кыскон бордын ужамзы сярысь веразы мукет муниципал огазеяськонъёсысь кивалтӥсьёс но.
Кенешонын озьы ик олимпи луисьтэм спорт амалъёсты азинтонъя ӵектонъёс чузъяськизы, кылсярысь, нимысьтыз спорт амалъёсъя тренеръёсты дасяны, муниципалитетъёслэсь но спортъя федерациослэсь кусыпъёссэс юнматыны, ёросъёсын но каръёсын федерациослэсь ёзъёссэс кылдытъяны. Нимысьтыз саклык висъязы иворъёсты вӧлмытон но валэктон ужлэн кулэлыкезлы. Нылпиос понна туж пайдаё луо тодмо спортсменъёсын пумиськылонъёс. Кылсярысь, алигес, Удмуртие вуылыкуз, Олимпи чемпион Давид Белявский пиналъёсын пумиськылыны но дыр шедьтӥз, соослэсь спортэн эшъяськон мылкыдзэс юнматӥз. Таӵе ужрадъёс ялан ортчылыны кулэ, пусйизы кенешонэ пыриськисьёс. Озьы ик физкультурая школа программае олимпи луисьтэм спорт амалъёсты но ватсаны дэмлазы. Вань ӵектонъёс Кун Кенешысь физкультурая, спортъя но егитъёсын ужан политикая комиссилэн ужаз басьтэмын луозы.