Владимир Невоструев но Юрий Федоров Юкаменск ёросысь мерлыко юртъёсы вуылӥзы
15.09.2021
Кун Кенешлэн Тӧроез Владимир Невоструев но Росси Федерациысь сенатор Юрий Федоров 14 куарусёнэ Юкаменск ёросэ вуылӥзы. Муниципал кылдытэтлэн тӧроеныз Константин Бельтюковен ӵош соос кӧня ке мерлыко ужъюртъёсы вуылӥзы.
Юкаменскысь шоръёзо школаын «Точка роста» центрен тодматскизы. Со «Технология», «ОБЖ», «Информатика» ӧръёсъя ужа. «Большой ремонт» программа улсын 2019 арын школалэсь кыкетӥ корпуссэ тупатъязы: липетсэ выль дӥзы, 100-лэсь ятыр укноосты вошъязы, инженер сӧзнэтсэ лэсьтӥзы. Та дыре школа стадионэз выльдыны кулэ на. Владимир Невоструев отчы бызьылон сюресъёс лэсьтыны ӵектӥз.
Спортэз азинтон ужпумъёс сярысь вераськизы куасэн бызьылонъя «Лесная сказка» базаын но. Ёросысь нылпи спорт школалэн кивалтӥсез Сергей Малых лыжероллер трасса лэсьтыны юрттэт куриз. Проектлы кагазъёс дасян понна 800 сюрс манет кулэ. Кун Кенешлэн Тӧроез вуоно арлы луонлыкъёс утчаны оскытӥз.
Та нуналэ ик Владимир Невоструев но Юрий Фёдоров Юкаменское черкогуртысь «Ладушки» но «Солнышко» нылпи садъёсы вуылӥзы. Соослэн кивалтӥсьёсынызы ужъюрт котырез асфальтэн шобыртон, сюресъёсты тупатъян сярысь вераськизы. Кайта таче ужъёслы элькун коньдэтын юрттэт чакланы кенешемын.
Озьы ик вераськон мынӥз Юкаменск тыметлэсь ӵыпетсэ но солэсь котырзэ тупатъян сярысь. Со – черкогуртын улӥсьёслэн яратоно шутэтскон интызы. Но туннэ со выльдэмез кулэ каре. Сузяны кулэ тыметысь вуэз но. Та ужъёслы озьы ик документация дасяны кутскозы.
Юкаменскысь шоръёзо школаын «Точка роста» центрен тодматскизы. Со «Технология», «ОБЖ», «Информатика» ӧръёсъя ужа. «Большой ремонт» программа улсын 2019 арын школалэсь кыкетӥ корпуссэ тупатъязы: липетсэ выль дӥзы, 100-лэсь ятыр укноосты вошъязы, инженер сӧзнэтсэ лэсьтӥзы. Та дыре школа стадионэз выльдыны кулэ на. Владимир Невоструев отчы бызьылон сюресъёс лэсьтыны ӵектӥз.
Спортэз азинтон ужпумъёс сярысь вераськизы куасэн бызьылонъя «Лесная сказка» базаын но. Ёросысь нылпи спорт школалэн кивалтӥсез Сергей Малых лыжероллер трасса лэсьтыны юрттэт куриз. Проектлы кагазъёс дасян понна 800 сюрс манет кулэ. Кун Кенешлэн Тӧроез вуоно арлы луонлыкъёс утчаны оскытӥз.
Та нуналэ ик Владимир Невоструев но Юрий Фёдоров Юкаменское черкогуртысь «Ладушки» но «Солнышко» нылпи садъёсы вуылӥзы. Соослэн кивалтӥсьёсынызы ужъюрт котырез асфальтэн шобыртон, сюресъёсты тупатъян сярысь вераськизы. Кайта таче ужъёслы элькун коньдэтын юрттэт чакланы кенешемын.
Озьы ик вераськон мынӥз Юкаменск тыметлэсь ӵыпетсэ но солэсь котырзэ тупатъян сярысь. Со – черкогуртын улӥсьёслэн яратоно шутэтскон интызы. Но туннэ со выльдэмез кулэ каре. Сузяны кулэ тыметысь вуэз но. Та ужъёслы озьы ик документация дасяны кутскозы.