14 куарусёнэ Удмуртиын мушкасьлэсь нуналзэ пусъё

Туннэ, 14 куарусёнэ, Удмуртиын мушкасьлэсь нуналзэ пусъё. Со муш вордон удысэз азинтон но праздник нуналъёс сярысь элькун катъёсын юнматэмын.
2020 арын Удмуртиын мушкасьёслэн улосвыл реестрзы кылдытэмын вал. 2021 арын 1 гудырикошконлы отчы 4 215 мушкась пыртэмын. Соос 48 232 муш семья вордо. Шаерамы одӥг репродуктор вань. Со – Можга ёросысь «Россия» огазеяськон. Отын 132 но 129 муш семьяен 2 пасека возё, мушъёслэсь пайдалыксэс будэтонъя племенной уж нуо. Гурт возёс инлыкен шаерамы эшшо 8 пасека ужа на.
Удысэз азинтонлы бадӟым саклык висъя гурт возёсъя но сиён-юонъя Министерство. Али со удмурт чечыез вузпӧрын вӧлмытонъя огъя сӧзнэт кылдытон бордын уж нуэ. Со удысэз экспортэн ужась ӧръёс пӧлы пыртыны юрттоз.
Реестрен тодматскыны луэ гурт возёсъя улосвыл но федерал министерствоослэн сайтъёсазы.