Элькунлэсь эстӥськон вакытлы дасьлыксэ эскеризы
08.09.2021Удмуртилэсь эстӥськон вакытлы дась луэмзэ эскеризы туннэ Кун Кенешын. Видеоконференция амалэн кенешонэз ортчытӥз элькун парламентлэн Тӧроезлэн воштӥсез – кунэз лэсьтонъя, интыысь аскивалтонъя но кышкыттэмлыкъя ялан ужась ӧрилэн кивалтӥсез Александр Прозоров. Югдуръя ивортонэн вераськиз лэсьтӥськонъя, жилищно-коммунальной возёсъя но энергетикая министрлэн воштӥсез Ольга Дубовцева. Со пусйиз, элькун бюджетысь 99,8 млн манет висъямын вал 15 котёлъёсты воштыны, котельнойёсты, 18 артезианской скважинаосты, 27 иськем инженер сӧзнэтъёсты, 6 башняосты выльдыны-тупатъяны. Вань коньдон муниципал кылдытъёсы дыраз вуттэмын вал, шуиз Дубовцева.
Министрлэн воштӥсезлэн верамезъя. Удмуртилэн эстӥськон вакытлы огъя дасьлыкез та дырлы 96,4%. Улон интыосын фонд 96 %, нылпи садъёс 94%, эмъяськонниос 93%, дышетсконниос 94,8 % дасесь.
Ижкарлэн эстӥськон вакытлы дасьлыкез сярысь ивортӥз шоркарлэн Тӧроез Олег Бекмеметьев.
«Туэ Ижкарысь шуныт сётӥсь 64 иськем гумыосты выльдӥм. Со котькулэсь трос. Вань тупатъян-выльдон ужъёс 15 куарусёнлы йылпумъямын луыны кулэ. Коньывуон пумозь гудылэм бервылъёсты тупатъян ужъёсты быдэстоно. Туннэ нуналлы эскерон сямен эстӥськонъёс ортчытэмын, йылпумъясько шуныт сётӥсь валтӥсь пунктъёсты, магистральной но квартальной сӧзнэтъёсты выльдон ужъёс», - шуиз кивалтӥсь. Огъя Удмуртилэн шоркарез эстӥськон вакытлы 94 % дась.
Олег Бекмеметьев пусйиз, туннэ нуналысен нылпи садъёсы но школаосы шуныт сётон кутскоз. Улон коркаосы шуныт вуоз 5 уй-нунал ӵоже кырысь омырлэн температураез 8 градуслэсь улӥын возиськем бере. «Чакламмыя, со вакыт куарусёнлэн куинетӥ декадаяз вуоз, но омыр вазьгес сӥяз ке, улон коркаосты шунтыны кутскыны ваньмыз дась», - вераз Тӧро.
ПАО «Т Плюс» огазеяськонлэн удмурт филиалэзлэн кивалтӥсезлэн воштӥсез Ярослав Балобанов вераз, туэ Ижкарын кылем арын сярысь 6 иськемлы тросгес гумыос вошъямын шуыса. Со оскон сётэ, тӥяськон учыръёс ӧжытгес луозы шуыса. Вуоно кык аръёс ӵоже выльдон ужъёс азьланьтӥськозы, гумыосты тазьы ик тросэн вошъялозы, оскытӥз Ярослав Балобанов.
Кун Кенешлэн Президиумезлэн ёзчиосыз бадӟымгес саклык висъяны куризы гудылэм бервылъёсты тупатъянлэн ӟечлыкезлы. Со сяна, муниципал огазеяськонъёсысь нылпи садъёсы но школаосы шуныт сётонэз омырлэсь 5 нунал ӵоже 8 градуслэсь ӧжытгес возиськемзэ витьытэк кутскыны ӵектӥзы.
Министрлэн воштӥсезлэн верамезъя. Удмуртилэн эстӥськон вакытлы огъя дасьлыкез та дырлы 96,4%. Улон интыосын фонд 96 %, нылпи садъёс 94%, эмъяськонниос 93%, дышетсконниос 94,8 % дасесь.
Ижкарлэн эстӥськон вакытлы дасьлыкез сярысь ивортӥз шоркарлэн Тӧроез Олег Бекмеметьев.
«Туэ Ижкарысь шуныт сётӥсь 64 иськем гумыосты выльдӥм. Со котькулэсь трос. Вань тупатъян-выльдон ужъёс 15 куарусёнлы йылпумъямын луыны кулэ. Коньывуон пумозь гудылэм бервылъёсты тупатъян ужъёсты быдэстоно. Туннэ нуналлы эскерон сямен эстӥськонъёс ортчытэмын, йылпумъясько шуныт сётӥсь валтӥсь пунктъёсты, магистральной но квартальной сӧзнэтъёсты выльдон ужъёс», - шуиз кивалтӥсь. Огъя Удмуртилэн шоркарез эстӥськон вакытлы 94 % дась.
Олег Бекмеметьев пусйиз, туннэ нуналысен нылпи садъёсы но школаосы шуныт сётон кутскоз. Улон коркаосы шуныт вуоз 5 уй-нунал ӵоже кырысь омырлэн температураез 8 градуслэсь улӥын возиськем бере. «Чакламмыя, со вакыт куарусёнлэн куинетӥ декадаяз вуоз, но омыр вазьгес сӥяз ке, улон коркаосты шунтыны кутскыны ваньмыз дась», - вераз Тӧро.
ПАО «Т Плюс» огазеяськонлэн удмурт филиалэзлэн кивалтӥсезлэн воштӥсез Ярослав Балобанов вераз, туэ Ижкарын кылем арын сярысь 6 иськемлы тросгес гумыос вошъямын шуыса. Со оскон сётэ, тӥяськон учыръёс ӧжытгес луозы шуыса. Вуоно кык аръёс ӵоже выльдон ужъёс азьланьтӥськозы, гумыосты тазьы ик тросэн вошъялозы, оскытӥз Ярослав Балобанов.
Кун Кенешлэн Президиумезлэн ёзчиосыз бадӟымгес саклык висъяны куризы гудылэм бервылъёсты тупатъянлэн ӟечлыкезлы. Со сяна, муниципал огазеяськонъёсысь нылпи садъёсы но школаосы шуныт сётонэз омырлэсь 5 нунал ӵоже 8 градуслэсь ӧжытгес возиськемзэ витьытэк кутскыны ӵектӥзы.