Кун Кенешлэн куамын ньылетӥ сессияз юнматэм куд-ог катӵектосъёс но пуктэтъёс сярысь
07.09.2021
Туннэ Удмуртиысь Кун Кенешлэн 34-тӥ сессиез ортчиз. Гужем вис бере нырысетӥ сессиын депутатъёс 37 ужпумез сэрттӥзы-пертчизы. Со пӧлысь 23-ез – элькун катъёслэн ӵектосъёссы.
Депутатъёс Удмурт Элькунлэн 2021 но вуоно 2022 но 2023 аръёслы бюджетэз сярысь катэ воштонъёсты юнматӥзы. Отчы 9,47 млрд манет тыр ватсанъёс пыртэмын. 6,6 млрд манетэз со – вытъёсъя тыронъёс но элькунлэн ас табышъёсыз, 2,87 млрд манетэз – палэнысь вуэм юрттэт.
Ватсаса вуэм уксё чотын будэтэмын уждун тырыны но адямиослы мерлыко юрттэт сётыны чаклам коньдон, йылэтэмын школаосын выль интыос усьтыны, гурт интывылъёсты азинтыны, 3-сен 7 аресозь нылпиослы толэзьлы быдэ чаклам тыронъёсты лэсьтыны, улосвыл но муниципал сюресъёсты тупатъяны уксё. 33 миллион манет висъяське дышетӥсьёслы классэн кивалтэмзы понна тыронъёслы. Озьы ик агропром огъетлы но коронавирус инфекциен нюръяськон ужрадъёслы юрттэт ватсаське.
Воштонъёсты лыдэ басьтыса, Удмурт Элькунлэн 2021 арлы бюджетэзлэн табыш люкетэз 103 млрд 856 млн манет луиз, уже кутон люкетэз - 107 млрд 562 млн манет. Дефицитлэн быдӟалаез ӧз воштӥськы. Али со 3 млрд 706 млн манет.
Юнматэмын тылпуослэсь утиськон но спасательёслэн службаоссы сярысь элькун катъёсы воштонъёс. Соос тылпуослэсь утиськонъя кун службаын 25 ар но солэсь кема, озьы ик аварийно-спасательной службаын 15 ар но солэсь кема ужам муртъёслэсь пенсизэс будэто. Юрттэтлэн быдӟалаез 1400-ысь 6000 манетозь йылэ, арлы быдэ солы индексаци лэсьтӥськоз.
Воштонъёс пыртэмын капчиятэм амалъя выт тырисьёслы вытъёслэн ставкаоссы сярысь катэ. Табере 5 сюрсозь улӥсьёсын гуртъёсын вузкарон, калыкез сюдон, юрттӥськетъёс сётон, культура но спорт удысъёсын ужась ужбергатӥсьёс куинь поллы ичигес выт тырозы. «Табышъёс» инъетэн ужасьёс понна вытлэн быдӟалаез 6 % интые 2 %, табышъёссэс расходъёсты лыдэ басьтытэк ужасьёс понна – 15 % интые 5% кельтэмын. Чакламъя, капчиятонъёс улэ 1938 гуртъёсысь ужбергатӥсьёс сюрозы.
Сессиын кутэм мукетыз катӵектос анай-атайтэк кылем пиналъёслы юрттэт сётонэн герӟаськемын. Али ужась катрадлыкъя, ӧнер сётӥсь яке вылӥ дышетсконниосты йылпумъям но улон интылы кулэяськись егитъёсты огдырлы выльысен нылпи юртъёсы интыяны луэ. Выль катӵектосэн таӵе луонлык сётӥське ваньмызлы улон интылы кулэяськись анай-атайтэк кылем 23 аресозь адямиослы. Нылпи юртын соос одӥг ар ӵоже улыны быгатозы, югдурзы ӧз воштӥськы ке, эшшо 6 толэзьлы отчы кылемзы луоз на.
Удмуртиысь депутатъёс озьы ик Росси Кивалтэтлэн Тӧроезлы Михаил Мишустинлы вазиськон кутӥзы. Соос гуртоослы кӧс но пӧсь гужемен ваем ыштонъёссэс берыктыны юрттэт куро.
Юнматэмын Росси Кун Думалы кат кутонъя кичӧлтон. Удмуртиысь Кун Кенеш пиналъёслы кудӟытӥсь юонъёсты но шузимытӥсь суретъёсты басьясь быдэ вуэм муртъёсты кылкутон улэ кыскыны ӵектэ.
Депутатъёс Удмурт Элькунлэн 2021 но вуоно 2022 но 2023 аръёслы бюджетэз сярысь катэ воштонъёсты юнматӥзы. Отчы 9,47 млрд манет тыр ватсанъёс пыртэмын. 6,6 млрд манетэз со – вытъёсъя тыронъёс но элькунлэн ас табышъёсыз, 2,87 млрд манетэз – палэнысь вуэм юрттэт.
Ватсаса вуэм уксё чотын будэтэмын уждун тырыны но адямиослы мерлыко юрттэт сётыны чаклам коньдон, йылэтэмын школаосын выль интыос усьтыны, гурт интывылъёсты азинтыны, 3-сен 7 аресозь нылпиослы толэзьлы быдэ чаклам тыронъёсты лэсьтыны, улосвыл но муниципал сюресъёсты тупатъяны уксё. 33 миллион манет висъяське дышетӥсьёслы классэн кивалтэмзы понна тыронъёслы. Озьы ик агропром огъетлы но коронавирус инфекциен нюръяськон ужрадъёслы юрттэт ватсаське.
Воштонъёсты лыдэ басьтыса, Удмурт Элькунлэн 2021 арлы бюджетэзлэн табыш люкетэз 103 млрд 856 млн манет луиз, уже кутон люкетэз - 107 млрд 562 млн манет. Дефицитлэн быдӟалаез ӧз воштӥськы. Али со 3 млрд 706 млн манет.
Юнматэмын тылпуослэсь утиськон но спасательёслэн службаоссы сярысь элькун катъёсы воштонъёс. Соос тылпуослэсь утиськонъя кун службаын 25 ар но солэсь кема, озьы ик аварийно-спасательной службаын 15 ар но солэсь кема ужам муртъёслэсь пенсизэс будэто. Юрттэтлэн быдӟалаез 1400-ысь 6000 манетозь йылэ, арлы быдэ солы индексаци лэсьтӥськоз.
Воштонъёс пыртэмын капчиятэм амалъя выт тырисьёслы вытъёслэн ставкаоссы сярысь катэ. Табере 5 сюрсозь улӥсьёсын гуртъёсын вузкарон, калыкез сюдон, юрттӥськетъёс сётон, культура но спорт удысъёсын ужась ужбергатӥсьёс куинь поллы ичигес выт тырозы. «Табышъёс» инъетэн ужасьёс понна вытлэн быдӟалаез 6 % интые 2 %, табышъёссэс расходъёсты лыдэ басьтытэк ужасьёс понна – 15 % интые 5% кельтэмын. Чакламъя, капчиятонъёс улэ 1938 гуртъёсысь ужбергатӥсьёс сюрозы.
Сессиын кутэм мукетыз катӵектос анай-атайтэк кылем пиналъёслы юрттэт сётонэн герӟаськемын. Али ужась катрадлыкъя, ӧнер сётӥсь яке вылӥ дышетсконниосты йылпумъям но улон интылы кулэяськись егитъёсты огдырлы выльысен нылпи юртъёсы интыяны луэ. Выль катӵектосэн таӵе луонлык сётӥське ваньмызлы улон интылы кулэяськись анай-атайтэк кылем 23 аресозь адямиослы. Нылпи юртын соос одӥг ар ӵоже улыны быгатозы, югдурзы ӧз воштӥськы ке, эшшо 6 толэзьлы отчы кылемзы луоз на.
Удмуртиысь депутатъёс озьы ик Росси Кивалтэтлэн Тӧроезлы Михаил Мишустинлы вазиськон кутӥзы. Соос гуртоослы кӧс но пӧсь гужемен ваем ыштонъёссэс берыктыны юрттэт куро.
Юнматэмын Росси Кун Думалы кат кутонъя кичӧлтон. Удмуртиысь Кун Кенеш пиналъёслы кудӟытӥсь юонъёсты но шузимытӥсь суретъёсты басьясь быдэ вуэм муртъёсты кылкутон улэ кыскыны ӵектэ.