Владимир Невоструев Удмуртиын улӥсьёсты тодон-валанъёслэн нуналэнызы ӟечкылаз
01.09.2021
Туннэ Россиын тодон-валанъёслэсь нуналзэс – выль дышетскон арлэсь кутсконзэ - пусъё. Удмуртиын улӥсьёсты праздникен ӟечкылаз Кун Кенешлэн Тӧроез Владимир Невоструев.
«Нырысетӥ куарусён – быдэс арысь одӥгез валтӥсез нунал. Дышетскисьёс понна со – выль улонэ вамыш, анай-атайёслы – нылпиоссы понна шумпотыны но асьсэлэсь пинал дырзэс тодазы вайыны муг.
Туннэ Удмуртиысь 22 сюрс пала пиналъёс парта сьӧры нырысьсэ пуксёзы. Оскисько, вылез доры кыстӥськон но тыршон котькуд дышетскисьлы ассэ возьматыны, вормонъёс басьтыны но Россилэн йӧно кунмуртэз луыны юрттозы Вань пиналъёслы азинскон но яркыт дышетскон, тунсыко пумиськонъёс но умоесь оценкаос сӥзисько! Выль дышетскон ар тӥледлы мур тодон-валанъёс но шумпотон мед ваёз. Нимысьтыз кылъёс туннэ верам потэ дышетӥсьёслы. Тӥляд та данлыко ужды дунъямын мед луоз. Мылкыд, выль малпанъёс, яратон но малпанъёстылы быдэсмон сӥзисько», - шуэмын ӟечкылан гожтэтын.
Выль дышетскон арез Удмуртиысь ньыль школаос выль юртъёсын мыто. Толон выль школа Вавож ёросысь Кионгуртын усьтӥськиз. Туннэ дышетскисьёс понна 3 выль юртъёс ӧсъёссэс усьтӥзы – Селта черкогуртын 384 интылы начальной школа, Кез каргуртын 500 интылы шоръёзо дышетсконни но Ижкарысь Ильфат Закиров нимо урамын 74-тӥ школалэн 825 интылы ёзэтэз.
Дышетскон юртъёсты лэсьтон элькунын азьланьтӥське. Со - Ижкарысь Берш нимо урамын 1224 интылы чаклам школа, Вотка карын но Дэри ёросысь Пычанки гуртын - 825 интылы юртъёс. Дэри ёросысь Ягул черкогуртын 500 интылы школа пуктӥське. Озьы ик шаерамы та дыре 15 нылпи садъёслэн юртъёссы ӝутӥсько.
«Нырысетӥ куарусён – быдэс арысь одӥгез валтӥсез нунал. Дышетскисьёс понна со – выль улонэ вамыш, анай-атайёслы – нылпиоссы понна шумпотыны но асьсэлэсь пинал дырзэс тодазы вайыны муг.
Туннэ Удмуртиысь 22 сюрс пала пиналъёс парта сьӧры нырысьсэ пуксёзы. Оскисько, вылез доры кыстӥськон но тыршон котькуд дышетскисьлы ассэ возьматыны, вормонъёс басьтыны но Россилэн йӧно кунмуртэз луыны юрттозы Вань пиналъёслы азинскон но яркыт дышетскон, тунсыко пумиськонъёс но умоесь оценкаос сӥзисько! Выль дышетскон ар тӥледлы мур тодон-валанъёс но шумпотон мед ваёз. Нимысьтыз кылъёс туннэ верам потэ дышетӥсьёслы. Тӥляд та данлыко ужды дунъямын мед луоз. Мылкыд, выль малпанъёс, яратон но малпанъёстылы быдэсмон сӥзисько», - шуэмын ӟечкылан гожтэтын.
Выль дышетскон арез Удмуртиысь ньыль школаос выль юртъёсын мыто. Толон выль школа Вавож ёросысь Кионгуртын усьтӥськиз. Туннэ дышетскисьёс понна 3 выль юртъёс ӧсъёссэс усьтӥзы – Селта черкогуртын 384 интылы начальной школа, Кез каргуртын 500 интылы шоръёзо дышетсконни но Ижкарысь Ильфат Закиров нимо урамын 74-тӥ школалэн 825 интылы ёзэтэз.
Дышетскон юртъёсты лэсьтон элькунын азьланьтӥське. Со - Ижкарысь Берш нимо урамын 1224 интылы чаклам школа, Вотка карын но Дэри ёросысь Пычанки гуртын - 825 интылы юртъёс. Дэри ёросысь Ягул черкогуртын 500 интылы школа пуктӥське. Озьы ик шаерамы та дыре 15 нылпи садъёслэн юртъёссы ӝутӥсько.