Кун Кенешлэн куамын ньылетӥ сессияз 17 катӵектосъёсты эскерозы

Туннэ Кун Кенешлэн Тӧроезлэн Нырысетӥ воштӥсез - тазалыкез утёнъя, демографи но семья политикая ялан ужась ӧрилэн кивалтӥсез Надежда Михайлова элькун парламентлэн Президиумезлэсь кенешонзэ ортчытӥз. Депутатъёс куамын ньылетӥ сессилэсь ужанрадзэ юнматӥзы. Отчы 28 ужпум пыртэмын, 17-ез со пӧлысь – элькун катъёслэн ӵектосъёссы.
Сессиын элькунлэн 2021 арлы бюджетаз воштонъёс пыртыны чакламын. Эскеремын луозы анай-атайтэк кылем пиналъёсын, трос нылпиё семьяосын, коммунальной юрттӥськетъёс понна капчиятонъёс басьтӥсьёсын герӟаськем но куд-ог мукет катъёсы воштонъёс.
Тодады вайытом, Кун Кенешлэн куамын ньылетӥ сессиез люкаськоз 2021 арын 7 куарусёнэ.