Анай-атайтэк кылем пиналъёслэн эрикрадъёсынызы герӟаськем ужпумъёсты эскеризы

Туннэ ужъя, мерлыко политикая но ветеранъёслэн ужъёссыя комиссилэн кенешонэз ортчиз. Видеконференция амалэн сое нуиз Алексей Чернов. Депутатъёс анай-атайтэк кылем нылпиослэн эрикрадъёсынызы герӟаськем катӵектосэз эскеризы.
Кызьы пусйиз Алексей Чернов, али ужась катрадлыкъя, ӧнер сётӥсь яке вылӥ дышетсконниосты йылпумъям но улон интылы кулэяськись егитъёсты огдырлы выльысен нылпи юртъёсы интыяны луэ. Выль катӵектосэн таӵе луонлык сётыны ӵекто ваньмызлы улон интылы кулэяськись анай-атайтэк кылем 23 аресозь адямиослы. Нылпи юртын соос одӥг ар ӵоже улыны быгатозы, югдурзы ӧз воштӥськы ке, эшшо 6 толэзьлы кыльыны быгатозы на.
Катрадлыке мукет но воштонъёс пыртыны ӵекто. Соос опекаын возиськись пиналъёс понна чаклам тыронъёсты капчиенгес басьтыны луонлык сётозы.
Ялан ужась комиссиысь депутатъёс воштонъёсты умоен лыдъязы но катӵектосэз Кун Кенешлэн 7 куарусёнэ ортчоно сессиезлэн ужанрадаз пыртыны дэмлазы.