18 гудырикошконэ Удмурт Элькунлэн дано нуналэз – удмурт крезьгурчилэн Геннадий Корепанов-Камскийлэн вордӥськем нуналэз пусйиське
18.08.2021
Туннэ, 18 гудырикошконэ, Удмурт Элькунлэн дано нуналэз – тодмо удмурт крезьгурчилэн, кырӟасьлэн, дышетӥсьлэн, мерлыко ужасьлэн Геннадий Корепанов-Камскийлэн вордӥськем нуналэз пусйиське. Со вордӥськиз 1929 арын 18 гудырикошконэ туала Дэбес ёросысь Ягвуково гуртын. Пичи дырысеныз тунсыкъяськиз крезьгурен – ас понназ дышетскиз балалайкаен, гитараен но баянэн шудыны, гуртысь шулдыръяськонъёсы пыриськылӥз.
Дышетскиз Москваысь П. И. Чайковский нимо но Казаньысь консерваториосын. 1957-1965 аръёсы крезьгуръя но драмая Удмурт театрын артист луыса ужаз, 1965-1967 аръёсы Удмурт телевиденилэн но радиолэн хоразы кырӟаз. 1970-1985 аръёсы Ижкарысь крезьгуръя училищеын дышетӥз, 1971-1976 аръёсы солэн кивалтӥсез вал. 1985-1988 аръёсы Удмурт АССР-ысь Крезьгуро театрен кивалтӥз.
Геннадий Михайлович Корепанов-Камский – удмурт крезьгуро искусствоысь одӥгез валтӥсез ӧнерчи. Со «Любушка» нырысетӥ удмурт опереттаез гожтӥз, удмурт литератураысь классиклэн Михаил Петровлэн поэмаезъя «Италмас» балет кылдытӥз, удмурт калык гуръёсты ӧнерлыко крезьгурен герӟась уно мукет ужъёссэ поттӥз.
Геннадий Корепанов-Камский ӟеч тодмо аслэсьтыз но калык кырӟанъёсты быдэсъяменыз но.
Трос тыршиз Удмуртиысь крезьгурчиослэсь ужзэс радъян понна, соослэсь Огазеяськонзэс кылдытонлэн кичӧлтӥсез но та Огазеяськонлэн нырысетӥ кивалтӥсез луиз. УАССР-лэн Вылӥ Кенешезлэн 6-тӥ но 10-тӥ ӧтчамъёсазы депутатэ бырйиськылӥз.
1998 арын 2 шуркынмонэ Удмурт Элькунысь Кун Кенешлэн Тӧроезлэн № 672-I Пуктэтэныз Геннадий Михайлович Корепанов-Камскийлы «Удмурт Элькунлэн дано кунмуртэз» дано ним сётэмын.
Улонысь кошкиз 2001 арын 4 шуркынмонэ.
Геннадий Корепанов-Камскийлэн нимыз Дэбесысь искусствоосъя школалы сётэмын, 2001 арын Удмурт Элькунлэн Кивалтэтэныз быгатӥсь егит крезьгурчиослы Г.М. Корепанов-Камский нимо стипендия юнматэмын. 2011 арын 19 гудырикошконэ Тыловай черкогуртын музей-усадьбаез усьтэмын.
2019 арын, крезьгурчилэн вордӥськем дырысеныз 90 ар тырмонэз пусъён улсын, солэн Ижкарысь Пушкин нимо урамысь улэм 182 номеро юртэз борды буре ваён пул юнматэмын.
«Удмурт Элькунлэн праздник но дано нуналъёсыз сярысь» катэн Геннадий Михайлович Корепанов-Камскийлэн вордӥськем нуналыз Удмуртилэн нимлыко дано нуналъёсыз пӧлы пыртэмын.
Дышетскиз Москваысь П. И. Чайковский нимо но Казаньысь консерваториосын. 1957-1965 аръёсы крезьгуръя но драмая Удмурт театрын артист луыса ужаз, 1965-1967 аръёсы Удмурт телевиденилэн но радиолэн хоразы кырӟаз. 1970-1985 аръёсы Ижкарысь крезьгуръя училищеын дышетӥз, 1971-1976 аръёсы солэн кивалтӥсез вал. 1985-1988 аръёсы Удмурт АССР-ысь Крезьгуро театрен кивалтӥз.
Геннадий Михайлович Корепанов-Камский – удмурт крезьгуро искусствоысь одӥгез валтӥсез ӧнерчи. Со «Любушка» нырысетӥ удмурт опереттаез гожтӥз, удмурт литератураысь классиклэн Михаил Петровлэн поэмаезъя «Италмас» балет кылдытӥз, удмурт калык гуръёсты ӧнерлыко крезьгурен герӟась уно мукет ужъёссэ поттӥз.
Геннадий Корепанов-Камский ӟеч тодмо аслэсьтыз но калык кырӟанъёсты быдэсъяменыз но.
Трос тыршиз Удмуртиысь крезьгурчиослэсь ужзэс радъян понна, соослэсь Огазеяськонзэс кылдытонлэн кичӧлтӥсез но та Огазеяськонлэн нырысетӥ кивалтӥсез луиз. УАССР-лэн Вылӥ Кенешезлэн 6-тӥ но 10-тӥ ӧтчамъёсазы депутатэ бырйиськылӥз.
1998 арын 2 шуркынмонэ Удмурт Элькунысь Кун Кенешлэн Тӧроезлэн № 672-I Пуктэтэныз Геннадий Михайлович Корепанов-Камскийлы «Удмурт Элькунлэн дано кунмуртэз» дано ним сётэмын.
Улонысь кошкиз 2001 арын 4 шуркынмонэ.
Геннадий Корепанов-Камскийлэн нимыз Дэбесысь искусствоосъя школалы сётэмын, 2001 арын Удмурт Элькунлэн Кивалтэтэныз быгатӥсь егит крезьгурчиослы Г.М. Корепанов-Камский нимо стипендия юнматэмын. 2011 арын 19 гудырикошконэ Тыловай черкогуртын музей-усадьбаез усьтэмын.
2019 арын, крезьгурчилэн вордӥськем дырысеныз 90 ар тырмонэз пусъён улсын, солэн Ижкарысь Пушкин нимо урамысь улэм 182 номеро юртэз борды буре ваён пул юнматэмын.
«Удмурт Элькунлэн праздник но дано нуналъёсыз сярысь» катэн Геннадий Михайлович Корепанов-Камскийлэн вордӥськем нуналыз Удмуртилэн нимлыко дано нуналъёсыз пӧлы пыртэмын.