COVID-19-лы пумит вакцинацилэсь мынэмзэ эскеризы
12.08.2021Удмуртиын эпидемиологи югдур но COVID-19-лы пумит вакцинацилэн мынэмез сярысь вераськизы туннэ Кун Кенешлэн Президиумезлэн ёзчиосыз. Кенешонэз видеоконференция амалэн нуиз Владимир Невоструев. Шаерамы коронавируслэн вӧлмонэныз кылдэм югдур сярысь ивортон лэсьтӥз элькун Кивалтэтлэн Тӧроезлэн воштӥсез Эльвира Пинчук. Со пусйиз, туэ шаерысьтымы эмъяськонниосын ковидэн черламъёслы 2619 койка дасямын. Стационаръёсын али 1679 мурт кылле, 22-ез соос пӧлысь - пиналъёс.
«Туэ гудырикошконэ Удмуртие ватсаса 18 ИВЛ аппарат вуиз. 31-ез куарусёнэ лыктыны кулэ на», - ивортӥз Пинчук. Юрттэт сётон ужлэсь пайдалыксэ будэтон понна, йӧнатон амалъёсты арнялы быдэ эскерон, секыт учыръёсъя Удмуртиысь но федерал центръёсысь валтӥсь ӧнерчиосын кенешон, шаерысь ковид-центръёсын ужасьёсты дышетон радъямын. Ковидлэсь но пневмониялэсь кулон котькуд учырез нимысьтыз Комиссия эскере.
Удмуртиысь 921660 муртлы коронавируслы пумит вакцина пуктэмын луыны кулэ. Россиысь тазалыкез утёнъя Министерстволэн выль куронъёсызъя, вакцинаен утёно улосвылысь 18 ареслэсь бадӟым 80 процентсэ адямиосты. Та дырлы шаерамы вакцинациез быдэсак 235946 мурт ортчиз, вакциналэсь нырысетӥ компонентсэ 320024 мурт басьтӥз. Озьы вакцинациез ортчемъёслэн лыдзы 34,7% луэ.
Ёросъёс но каръёс пӧлын вакцинациез ортчытонъя азьмынӥсь Дэбес ёрос. Ужъёс лябгес мыно Можга, Пичи Пурга, Глазов ёросъёсын, Глазов но Сарапул каръёсын. Вакцинаез пуктыны луэ трос калыко ужрадъёс дыръя, тазалыкез утёнъя Форумъёсын. 28 инвожоысен вакцинацияя пункт ужа Ижкарысь шор площадьын, 24 пӧсьтолэзьысен ватсаса пункт радъямын операя но балетъя театрлэн холлаз. Та пунктъёсын 25 сюрслэсь ятыр адямилы прививка пуктэмын ини.
Куинь эмъяськонниослэн приёмной ёзъёсазы вакцинацияя уй-нунал ужась пунктъёс усьтэмын, муниципал огазеяськонъёсын калыкез вакцинацие нуон-ваён радъямын.
Кун Кенешлэн Тӧроезлэн Нырысетӥ воштӥсез, тазалыкез утёнъя, демографи но семья политикая ялан ужась ӧрилэн кивалтӥсез Надежда Михайлова депутатъёслы валэктон уже пыриськыны курыса вазиськиз. Со пусйиз, Кун Кенешлэн Президиумезлэн ваньмыз ёзчиосыз ковидлы пумит вакцина басьтӥзы ини, Кун Кенешлэн Аппаратысьтыз 90 процентэз ужасьёс утиськемын.
«Туэ гудырикошконэ Удмуртие ватсаса 18 ИВЛ аппарат вуиз. 31-ез куарусёнэ лыктыны кулэ на», - ивортӥз Пинчук. Юрттэт сётон ужлэсь пайдалыксэ будэтон понна, йӧнатон амалъёсты арнялы быдэ эскерон, секыт учыръёсъя Удмуртиысь но федерал центръёсысь валтӥсь ӧнерчиосын кенешон, шаерысь ковид-центръёсын ужасьёсты дышетон радъямын. Ковидлэсь но пневмониялэсь кулон котькуд учырез нимысьтыз Комиссия эскере.
Удмуртиысь 921660 муртлы коронавируслы пумит вакцина пуктэмын луыны кулэ. Россиысь тазалыкез утёнъя Министерстволэн выль куронъёсызъя, вакцинаен утёно улосвылысь 18 ареслэсь бадӟым 80 процентсэ адямиосты. Та дырлы шаерамы вакцинациез быдэсак 235946 мурт ортчиз, вакциналэсь нырысетӥ компонентсэ 320024 мурт басьтӥз. Озьы вакцинациез ортчемъёслэн лыдзы 34,7% луэ.
Ёросъёс но каръёс пӧлын вакцинациез ортчытонъя азьмынӥсь Дэбес ёрос. Ужъёс лябгес мыно Можга, Пичи Пурга, Глазов ёросъёсын, Глазов но Сарапул каръёсын. Вакцинаез пуктыны луэ трос калыко ужрадъёс дыръя, тазалыкез утёнъя Форумъёсын. 28 инвожоысен вакцинацияя пункт ужа Ижкарысь шор площадьын, 24 пӧсьтолэзьысен ватсаса пункт радъямын операя но балетъя театрлэн холлаз. Та пунктъёсын 25 сюрслэсь ятыр адямилы прививка пуктэмын ини.
Куинь эмъяськонниослэн приёмной ёзъёсазы вакцинацияя уй-нунал ужась пунктъёс усьтэмын, муниципал огазеяськонъёсын калыкез вакцинацие нуон-ваён радъямын.
Кун Кенешлэн Тӧроезлэн Нырысетӥ воштӥсез, тазалыкез утёнъя, демографи но семья политикая ялан ужась ӧрилэн кивалтӥсез Надежда Михайлова депутатъёслы валэктон уже пыриськыны курыса вазиськиз. Со пусйиз, Кун Кенешлэн Президиумезлэн ваньмыз ёзчиосыз ковидлы пумит вакцина басьтӥзы ини, Кун Кенешлэн Аппаратысьтыз 90 процентэз ужасьёс утиськемын.