Егит азьветлӥсьёслы юрттэт сётоно

Кун Кенешысь «Единая Россия» фракцилэн кивалтӥсез Елена Дербилова Вотка ёросысь егитъёслэн «Лучшее место на земле» нимо XXIII фестивалязы вормисьёслы Ижкаре вуылыны но боулинг-центрын шутэтскыны юрттӥз. Фестивале арлы быдэ ёросысь гурт поселениосысь егитъёс пырисько, асьсэлэсь творчествоя но спортъя быгатонлыкъёссэс возьмато. Устозэ командаез Елена Дербилова вить ар ӵоже нимысьтыз кузьымен пусъе.
Туэ егитъёслэн фестивальзы наукалэн но технологиослэн арзылы, Удмуртиын гуртлэн арезлы но Вотка ёрослэн 95 ар тырмонэзлы сӥземын вал. Кык нунал ӵоже кытӥськем вожвылъяськонын устоез луиз «Большекиварское» муниципал кылдытэтысь егитъёслэн командазы. Солэн ёзчиосызлы Елена Дербилова Ижкарысь одӥгаз боулинг-центрын шутэтскон радъяз.