Кун Кенешлэн куамын куинетӥ сессиезлэн ужанрадэз юнматэмын

Кун Кенешлэн Президиумезлэн 17 инвожое Алнашын ортчем кенешоназ элькун парламентлэн куамын куинетӥ сессиезлэн ужанрадэз юнматэмын. Со Ижкарын 29 инвожое 10.00 часын усьтӥськоз.
Ужанрадэ 24 ужпум пыртэмын, 14-ез со – элькун катъёслэн ӵектосъёссы. Соос пӧлын – «Удмурт Элькунысь адямилэн эрикрадъёсызъя Уполномоченной сярысь» но «Удмурт Элькунысь арберилыктэм (нематериальной) лулчеберет кылёсбур сярысь» катӵектосъёс.
Озьы ик бырйисьёслэсь Кун Кенешысь депутатъёслы куронъёссэс 2020 арын быдэстэм сярысь Отчётэз но 2022 арлы наказъёсты юнматыны чакламын.
Сессиын ортчем парламент арлы йылпумъянъёс но лэсьтэмын луозы. Соосты шараялоз Кун Кенешлэн Тӧроез Владимир Невоструев.