Кун Кенешлэн Президиумез Гуртлэн арезлы сӥзем ужрадъёслэсь быдэсъяськемзэс эскериз
17.06.2021
Туннэ Кун Кенешлэн Президиумез Алнаш ёросын ужаз. Депутатъёс Гуртлэн арезлы сӥзем ужрадъёслэсь быдэсъяськемзэс эскеризы.
Кенешонлэсь азьвыл Президиумлэн ёзчиосыз ёрослэн Тӧроеныз Алексей Семёновен ӵош Асан муниципал кылдытэтысь Улӥ Асан гуртэ вуылӥзы, отысь мерлыко удыслэн но «Молодая гвардия» возёслэн ужаменызы тодматскизы. Кызьы вераз колхозлэн кивалтӥсез Михаил Крылов, предприятие сьӧдо-тӧдьы выжыысь скалъёсты вордонъя племзавод луэ, йӧл но сӥль поттэ, музъем ужъёсты нуэ, ваньбур поттонзэ арлы быдэ будэтэ.
«Укмыстонэтӥ аръёсын ӵошатыса, йӧл кысконмы 5-6 пол будӥз. Али 840 йырлы выль гид пуктӥськом. 420 йырлы гидмы усьтэмын ини. Ог кык толэзь ортчыса, кыкетӥзэ усьтом. Соку йӧл кысконмес 24 тоннаозь вуттом», - шуиз Михаил Крылов.
Одӥг скалэз кыскыны шорлыдын 12 минут дыр кулэ. Котькуд пудо-живот борды нимысьтыз датчикъёс юнматэмын. Соос возьмато, кӧня йӧлыз, кыӵе тазалыкез та дыре скаллэн.
Соин ӵош «Молодая гвардия» возёс бадӟым саклык висъя гуртысь мерлыко удысэз азинтон ужпумъёслы. Солэн юрттэмезъя, Улӥ Асан гуртын кылдӥзы вузкаронниос, черк, сиськонни, культурая юрт, тупатъямын но ёрослы сётэмын ФАП-лэн юртэз.
Кун Кенешлэн Тӧроез Владимир Невоструев пусйиз, гуртысь предприятилэн кивалтӥсезлэн тыршемез бордысь быдэс гуртысь калыклэн улон ӟечлыкез потэ шуыса. Предприятиослэн, администрацилэн но адямиослэн валче ужаменызы гинэ гурт интывылъёс рос-прос азинтӥськыны быгато. Улӥ Асан гуртын сое умой адӟыны луэ, шуиз элькун парламентлэн спикерез. «Асаново» муниципал кылдытэтлэсь тӧрозэ Игорь Бобровез со Кун Кенешлэн Данъян грамотаеныз пусйиз.
Гуртлэн араз гурт интывылъёсты азинтыны выль луонлыкъёс кылдытон сярысь вераськон азьланьтӥськиз Кун Кенешлэн Алнаш ёрос Администрациын ортчем кенешоназ.
Удмуртиысь гурт возёсъя но сиён-юон поттонъя министрлэн воштӥсезлэн Михаил Юдинлэн верамезъя, туэ элькунамы 700-лэсь ятыр пӧртэм юртъёсты лэсьтыны но тупатъяны чакламын. Со понна 3 миллиард манетлэсь трос уксё висъямын. 1,9 млрд манетэз со – элькун бюджетысь.
Кун Кенешысь агропром огъетъя, музъем кусыпъёсъя, инкуазез уже кутонъя но сое утёнъя ялан ужась комиссилэн кивалтӥсез Владимир Варламов пусйиз, Гуртлэн арез йылпумъяськем бере гурт интывылъёслы саклык кулэсмыны кулэ ӧвӧл. Туннэ гуртъёсын улон ӟечлыкез ӝутонъя трос лэсьтӥське. Элькунысь Кун Кенеш но та ласянь палэнэ уг кыльы. Гуртлэн араз нимаз возёс вордӥсьёслы юрттонъя кат кутэмын вал, тупатъяське муш вордон сярысь закон. Та уж азьланьтӥськоз, шуиз депутат.
Кенешонлэсь азьвыл Президиумлэн ёзчиосыз ёрослэн Тӧроеныз Алексей Семёновен ӵош Асан муниципал кылдытэтысь Улӥ Асан гуртэ вуылӥзы, отысь мерлыко удыслэн но «Молодая гвардия» возёслэн ужаменызы тодматскизы. Кызьы вераз колхозлэн кивалтӥсез Михаил Крылов, предприятие сьӧдо-тӧдьы выжыысь скалъёсты вордонъя племзавод луэ, йӧл но сӥль поттэ, музъем ужъёсты нуэ, ваньбур поттонзэ арлы быдэ будэтэ.
«Укмыстонэтӥ аръёсын ӵошатыса, йӧл кысконмы 5-6 пол будӥз. Али 840 йырлы выль гид пуктӥськом. 420 йырлы гидмы усьтэмын ини. Ог кык толэзь ортчыса, кыкетӥзэ усьтом. Соку йӧл кысконмес 24 тоннаозь вуттом», - шуиз Михаил Крылов.
Одӥг скалэз кыскыны шорлыдын 12 минут дыр кулэ. Котькуд пудо-живот борды нимысьтыз датчикъёс юнматэмын. Соос возьмато, кӧня йӧлыз, кыӵе тазалыкез та дыре скаллэн.
Соин ӵош «Молодая гвардия» возёс бадӟым саклык висъя гуртысь мерлыко удысэз азинтон ужпумъёслы. Солэн юрттэмезъя, Улӥ Асан гуртын кылдӥзы вузкаронниос, черк, сиськонни, культурая юрт, тупатъямын но ёрослы сётэмын ФАП-лэн юртэз.
Кун Кенешлэн Тӧроез Владимир Невоструев пусйиз, гуртысь предприятилэн кивалтӥсезлэн тыршемез бордысь быдэс гуртысь калыклэн улон ӟечлыкез потэ шуыса. Предприятиослэн, администрацилэн но адямиослэн валче ужаменызы гинэ гурт интывылъёс рос-прос азинтӥськыны быгато. Улӥ Асан гуртын сое умой адӟыны луэ, шуиз элькун парламентлэн спикерез. «Асаново» муниципал кылдытэтлэсь тӧрозэ Игорь Бобровез со Кун Кенешлэн Данъян грамотаеныз пусйиз.
Гуртлэн араз гурт интывылъёсты азинтыны выль луонлыкъёс кылдытон сярысь вераськон азьланьтӥськиз Кун Кенешлэн Алнаш ёрос Администрациын ортчем кенешоназ.
Удмуртиысь гурт возёсъя но сиён-юон поттонъя министрлэн воштӥсезлэн Михаил Юдинлэн верамезъя, туэ элькунамы 700-лэсь ятыр пӧртэм юртъёсты лэсьтыны но тупатъяны чакламын. Со понна 3 миллиард манетлэсь трос уксё висъямын. 1,9 млрд манетэз со – элькун бюджетысь.
Кун Кенешысь агропром огъетъя, музъем кусыпъёсъя, инкуазез уже кутонъя но сое утёнъя ялан ужась комиссилэн кивалтӥсез Владимир Варламов пусйиз, Гуртлэн арез йылпумъяськем бере гурт интывылъёслы саклык кулэсмыны кулэ ӧвӧл. Туннэ гуртъёсын улон ӟечлыкез ӝутонъя трос лэсьтӥське. Элькунысь Кун Кенеш но та ласянь палэнэ уг кыльы. Гуртлэн араз нимаз возёс вордӥсьёслы юрттонъя кат кутэмын вал, тупатъяське муш вордон сярысь закон. Та уж азьланьтӥськоз, шуиз депутат.