Владимир Невоструев: улосвыл но, муниципал но депутатъёс бырйисьёссы азьын йылпумъянъёс лэсьтыны кулэ
11.06.2021
Вань кенешъёсысь депутатъёс бырйисьёссы азьын ужамзы сярысь йылпумъянъёс лэсьтыны кулэ. Со сярысь 11 инвожое вераз Кун Кенешлэн Тӧроез Владимир Невоструев. Президиумлэн ёзчиосыныз, муниципал депутатъёсын, мерлыко огазеяськонъёслэн ёзчиосынызы но иворъёсты вӧлмытон ёзъёсысь ужасьёсын ӵош со Кун Думаысь депутатлэн Андрей Исаевлэн ужамезлы йылпумъянъёс лэсьтон ужрадэ пыриськиз. Андрей Исаев Кун Думалэн сизьыметӥ ӧтчамаз ужамез сярысь вераз.
«Единая Россия» партия Кун Думаысь депутатъёс азе курон пуктӥз, соос бырйисьёсынызы мед пумиськылозы, соос азьын быдэстэм ужъёссы сярысь ивортон мед лэсьтозы шуыса. Андрей Константинович туннэ сыӵе пумиськон ортчытӥз, вить ар ӵоже сэрттэм-пертчем ужпумъёс сярысь вераз. Туж пайдаё вераськон. Котькуд адями солы аслэсьтыз юанзэ сётыны быгатӥз. Таӵе ужан амалэз улосвыл но, муниципал но депутатъёслы ӵектом», - шуиз Владимир Невоструев.
Пумиськонын Андрей Исаев пусйиз, берло аръёс ӵоже элькунмес азинтон понна федерал бюджетысь ватсаса шӧдскымон юрттэт кыскыны луиз. 2016-тӥ арысен Удмуртие кык поллы тросгес коньдон вуиз. Тазалыкез утён ужпумъёслы юрттэтлэн быдӟалаез 5 поллы, мерлыко политикаез быдэсъянлы – 22 поллы йылӥз. Уксё кутӥськиз выль мерлыко объектъёсты лэсьтыны но ужасьёссэ тупатъяны, школаослэсь но эмъяськонниослэсь автопаркъёссэс выльдыны. Кун Думалэн та ӧтчамаз Андрей Исаев 42 мерлыко катӵектосъёсты дасяз.
«Единая Россия» партия Кун Думаысь депутатъёс азе курон пуктӥз, соос бырйисьёсынызы мед пумиськылозы, соос азьын быдэстэм ужъёссы сярысь ивортон мед лэсьтозы шуыса. Андрей Константинович туннэ сыӵе пумиськон ортчытӥз, вить ар ӵоже сэрттэм-пертчем ужпумъёс сярысь вераз. Туж пайдаё вераськон. Котькуд адями солы аслэсьтыз юанзэ сётыны быгатӥз. Таӵе ужан амалэз улосвыл но, муниципал но депутатъёслы ӵектом», - шуиз Владимир Невоструев.
Пумиськонын Андрей Исаев пусйиз, берло аръёс ӵоже элькунмес азинтон понна федерал бюджетысь ватсаса шӧдскымон юрттэт кыскыны луиз. 2016-тӥ арысен Удмуртие кык поллы тросгес коньдон вуиз. Тазалыкез утён ужпумъёслы юрттэтлэн быдӟалаез 5 поллы, мерлыко политикаез быдэсъянлы – 22 поллы йылӥз. Уксё кутӥськиз выль мерлыко объектъёсты лэсьтыны но ужасьёссэ тупатъяны, школаослэсь но эмъяськонниослэсь автопаркъёссэс выльдыны. Кун Думалэн та ӧтчамаз Андрей Исаев 42 мерлыко катӵектосъёсты дасяз.