Версия для слабовидящих
Владимир Невоструев мерлыко юрттэт сётон удысын ужасьёсты ӧнер праздникенызы ӟечкылаз

Владимир Невоструев мерлыко юрттэт сётон удысын ужасьёсты ӧнер праздникенызы ӟечкылаз

08.06.2021
Владимир Невоструев мерлыко юрттэт сётон удысын ужасьёсты ӧнер праздникенызы ӟечкылаз
Туннэ, 8 инвожое, Россиысь мерлыко юрттэт сётон удысын ужасьёс ӧнер праздниксэс пусъё. Соослы ӟечкыланэн вазиськиз Кун Кенешлэн Тӧроез Владимир Невоструев.
«Мерлыко юрттэт сётон удысын ужан котькудӥзлы уг сётӥськы. Со бадӟым сюлэмез но чиданлыкез кулэ каре.
Удмуртиын мерлыко удысын 8 сюрслэсь ятыр адями тырше. Котькудӥз ӧнерчи кулэяськисьёслы сюлэм шунытсэ кузьма, улон-вылонын юрттэт сётэм сяна, азьланезлы оскон пыӵатэ.
Кылем арын мерлыко ужасьёс эмчиосын ӵош коронавирусэн нюръяськонын нырысетӥ радъёсын тыршизы, асьсэлэсь тазалыксэс жалятэк, тужгес секыт югдуре вуэмъёслы – арлыдоослы, сӧсыръёслы, трос нылпиё но куанер улӥсь семьяослы - юрттӥськизы.
Сюлмысьтым тау карисько удысысь вань ӧнерчиослы ӟеч ужъёсты, адямиос сярысь сюлмаськемды понна!
Юн тазалык, шудбуро но тупаса улон тӥледлы но матысь адямиостылы!», - шуэмын элькун парламентлэн спикерезлэн ӟечкылан гожтэтаз.



Возврат к списку