Владимир Невоструев Россиысь калыкъёслэн Ассамблеязылэн кивалтӥсезлы Светлана Смирновалы «За заслуги в развитии парламентаризма» данъян пус сётӥз

Россиысь калыкъёслэн Ассамблеязылэн кивалтӥсез Светлана Смирнова «За заслуги в развитии парламентаризма» данъян пусэн сӥлы каремын. Кун Кенешлэн Тӧроез Владимир Невоструев данъетэз финн-угор калыкъёслэн Огъя росси форумазы лыктэмъёслы сӥё-дано приём ортчытыку сётӥз.
Финн-угор движение кылдон вакытэ, 1994-1999 аръёсы, Светлана Константиновна Удмурт Элькун Кивалтэт бордысь йӧскалык ужпумъёсъя Комитетэн кивалтӥз. Со калыкъёслэсь кусыпъёссэс юнматон понна бадӟым уж лэсьтӥз. Светлана Смирнова Россиысь Кун Думалэн куинетӥ но ньылетӥ ӧтчамъёсаз депутатэ бырйиськылӥз, Удмуртиысь Кун Кенешлэн кыкетӥ ӧтчамаз
депутат но Тӧролэн воштӥсез луыса ужаз.
Владимир Невоструев Светлана Смирновалы катрадлыкез азинтон но калык кусыпъёсты юнматон бордын пайдалыко ужамез понна тау кариз.