Версия для слабовидящих
Атыкай музъемез утисьлэн нуналаз Ижкарысь ожъя но ужъя данлыклэн Монументэз доры сяська понӥзы

Атыкай музъемез утисьлэн нуналаз Ижкарысь ожъя но ужъя данлыклэн Монументэз доры сяська понӥзы

23.02.2021
Атыкай музъемез утисьлэн нуналаз Ижкарысь ожъя но ужъя данлыклэн Монументэз доры сяська понӥзы
Туннэ, 23 тулыспалэ, Ижкарысь ожъя но ужъя данлыклэн Монументэз доры сяська керттэт понон сӥё-дано ужрад ортчиз. Отчы пыриськизы Кун Кенешлэн Тӧроез Владимир Невоструев, Элькун Кивалтэтлэн Тӧроез Ярослав Семёнов, Удмурт Элькунъя Валтӥсь федерал инспектор Сергей Панов, Удмуртиысь Тӧролэн но Кивалтэтлэн Администрациенызы кивалтӥсь Сергей Смирнов, Ижкарлэн Тӧроез Олег Бекмеметьев.
Ужрадэ озьы ик Росси Кун Думаысь но Удмуртилэн Кун Кенешысьтыз депутатъёс, Элькун Кивалтэтлэн ёзчиосыз, Кун Кенешлэн Аппаратаз ужасьёс, ожысь ветеранъёс, фронт мышкын ужамъёс, Егитъёслэн парламентсылэн но мерлыко огазеяськонъёслэн ёзчиоссы.
Туннэ ик депутатъёс но Кун Кенешлэн Аппаратаз ужасьёс сяська керттэтъёс понӥзы Быдӟым Атыкай оже пыриськем депутатъёслы сӥзем синпелет азе.

Возврат к списку