Кун Кенешлэн куамынэтӥ сессияз юнматэм катъёс но пуктэтъёс сярысь
17.02.2021
Кун Кенешлэн куамынэтӥ сессиезлэн 16 тулыспалэ ортчем кенешоназ депутатъёс 23 ужпумез сэрттӥзы-пертчизы. 10-эз со – элькун катъёслэн ӵектосъёссы.
Воштонъёс пыртэмын анай-атайтэк кылем пиналъёслы улон инты висъян сярысь элькун катэ. Соосъя анай-атайтэк кылем муртлы чаклам улон инты, сое Удмурт Элькунлэн асъетаз басьтэм дырысен но нимысьтыз улосвыл фондэ пыртытозь, муниципал огазеяськонлэн асъетаз сётэмын луоз. Та дыр шорлыдын 3 толэзь ӵоже кыстӥське. Озьы улон инты понна тыронъёсын пунэмъёс та дыр ӵоже уз люкаське ини. Кат кык лыдӟемен юнматэмын.
Воштонъёс пыртэмын Удмурт Элькунлэн 2021 но вуоно аръёслы бюджетэз сярысь катэ. Тупатъянъёс федерал коньдон вуэмен но элькунлэн ас табышъёсыз йылэмен герӟаськемын. Коньдэтлэсь табыш люкетсэ 9 млрд 258 млн манетлы будэтӥзы. 7 млрд 501 млн манетэз со – огазеяськонъёслэн прибыльзылы ватсаса вуись вытъёс, 1 млрд 757 млн манетэз – федерал коньдон. Уже кутон люкетэ 9 млрд 548 млн манет тыр воштонъёс пыртэмын. 5 млрд 63 млн манетэз со эмъюртъёслы, коронавирус инфекциез алон но соин нюръяськон ужрадъёслы чакламын. 150 миллион манет муниципал бюджетъёслы юрттэтлы учкемын, 172 миллион манет - эмъяськонниосты лэсьтон-тупатъян но соосты тӥрлыкен тырмытон ужъёслы. 27 миллион манет чакламтэ жуг-жаг куян интыосты сузяны кутӥськоз. Воштонъёсты лыдэ басьтыса, 2021 арлы бюджетлэн табыш люкетэз 85 млрд 757 млн манет луиз, уже кутон люкетэз - 86 млрд 278 млн манет. Дефицитлэн быдӟалаез - 521 млн манет.
Депутатъёс кунпуш ужпумъёсъя министерстволэсь 2020 арын ужамез сярысь ивортонзэ кылзӥзы. Кызьы вераз министрлэн воштӥсез Сергей Поволоцкий, 2020 арын Удмуртиын 28 сюрслэсь ятыр катрадлыкез тӥян учыръёс пусъемын. Азьвыл арен ӵошатыса, со ог 4 процентлы ятыргес. Миым одӥг но ӝыны поллы тросгес луизы IT технологиосты кутыса лэсьтэм йыружъёс. 7 но ӝыны сюрс сыӵе учыръёс пӧлысь 85 процентэз – банк картаосысь коньдонэз лушкан. Катрадлыкез утисьёсты озьы ик сюлмаськытэ калыклэн юэмез. Ар ӵоже пусъем йыружъёс пӧлысь ӝыны палаез кудӟем йырын лэсьтэмын.
Сессилэн кенешоназ Кизнер ёросэз экономика но мерлык удысъёсъя азинтон ужпумъёсты эскеризы. Та ласянь ивортон лэсьтӥз ёрослэн Тӧроез Александр Плотников. «Кивалтэт час» улсын Элькун Кивалтэтлэн экономикая блокезлэн 2020 арын ужамез сярысь вераськон мынӥз. Озьы ик кылзэмын Удмуртиысь адямилэн эрикрадъёсызъя Уполномоченнойлэн Вениамин Соломенниковлэн кылем арын ужамез сярысь ивортонэз.
Кун Кенешлэн куамынэтӥ сессиезлэсь кыкетӥ кенешонзэ 2020 арын 2 южтолэзе 10.00 ч ортчытыны чакламын.
Воштонъёс пыртэмын анай-атайтэк кылем пиналъёслы улон инты висъян сярысь элькун катэ. Соосъя анай-атайтэк кылем муртлы чаклам улон инты, сое Удмурт Элькунлэн асъетаз басьтэм дырысен но нимысьтыз улосвыл фондэ пыртытозь, муниципал огазеяськонлэн асъетаз сётэмын луоз. Та дыр шорлыдын 3 толэзь ӵоже кыстӥське. Озьы улон инты понна тыронъёсын пунэмъёс та дыр ӵоже уз люкаське ини. Кат кык лыдӟемен юнматэмын.
Воштонъёс пыртэмын Удмурт Элькунлэн 2021 но вуоно аръёслы бюджетэз сярысь катэ. Тупатъянъёс федерал коньдон вуэмен но элькунлэн ас табышъёсыз йылэмен герӟаськемын. Коньдэтлэсь табыш люкетсэ 9 млрд 258 млн манетлы будэтӥзы. 7 млрд 501 млн манетэз со – огазеяськонъёслэн прибыльзылы ватсаса вуись вытъёс, 1 млрд 757 млн манетэз – федерал коньдон. Уже кутон люкетэ 9 млрд 548 млн манет тыр воштонъёс пыртэмын. 5 млрд 63 млн манетэз со эмъюртъёслы, коронавирус инфекциез алон но соин нюръяськон ужрадъёслы чакламын. 150 миллион манет муниципал бюджетъёслы юрттэтлы учкемын, 172 миллион манет - эмъяськонниосты лэсьтон-тупатъян но соосты тӥрлыкен тырмытон ужъёслы. 27 миллион манет чакламтэ жуг-жаг куян интыосты сузяны кутӥськоз. Воштонъёсты лыдэ басьтыса, 2021 арлы бюджетлэн табыш люкетэз 85 млрд 757 млн манет луиз, уже кутон люкетэз - 86 млрд 278 млн манет. Дефицитлэн быдӟалаез - 521 млн манет.
Депутатъёс кунпуш ужпумъёсъя министерстволэсь 2020 арын ужамез сярысь ивортонзэ кылзӥзы. Кызьы вераз министрлэн воштӥсез Сергей Поволоцкий, 2020 арын Удмуртиын 28 сюрслэсь ятыр катрадлыкез тӥян учыръёс пусъемын. Азьвыл арен ӵошатыса, со ог 4 процентлы ятыргес. Миым одӥг но ӝыны поллы тросгес луизы IT технологиосты кутыса лэсьтэм йыружъёс. 7 но ӝыны сюрс сыӵе учыръёс пӧлысь 85 процентэз – банк картаосысь коньдонэз лушкан. Катрадлыкез утисьёсты озьы ик сюлмаськытэ калыклэн юэмез. Ар ӵоже пусъем йыружъёс пӧлысь ӝыны палаез кудӟем йырын лэсьтэмын.
Сессилэн кенешоназ Кизнер ёросэз экономика но мерлык удысъёсъя азинтон ужпумъёсты эскеризы. Та ласянь ивортон лэсьтӥз ёрослэн Тӧроез Александр Плотников. «Кивалтэт час» улсын Элькун Кивалтэтлэн экономикая блокезлэн 2020 арын ужамез сярысь вераськон мынӥз. Озьы ик кылзэмын Удмуртиысь адямилэн эрикрадъёсызъя Уполномоченнойлэн Вениамин Соломенниковлэн кылем арын ужамез сярысь ивортонэз.
Кун Кенешлэн куамынэтӥ сессиезлэсь кыкетӥ кенешонзэ 2020 арын 2 южтолэзе 10.00 ч ортчытыны чакламын.