Версия для слабовидящих
Владимир Паршин бюджетъя, вытъёсъя но коньдон ужпумъёсъя ӧрилы кивалтӥсе быръемын

Владимир Паршин бюджетъя, вытъёсъя но коньдон ужпумъёсъя ӧрилы кивалтӥсе быръемын

16.02.2021
Владимир Паршин бюджетъя, вытъёсъя но коньдон ужпумъёсъя ӧрилы кивалтӥсе быръемын
Туннэ Кун Кенешлэн куамынэтӥ сессиезлэн кенешоназ Владимир Паршин бюджетъя, вытъёсъя но коньдон ужпумъёсъя комиссилы кивалтӥсе быръемын. Солэсь кандидатуразэ ӵектӥз Кун Кенешлэн Тӧроез Владимир Невоструев.
«Владимир Владимирович Паршин – Кун Кенешысь одӥгез кема ужасез депутат. Со бӧрсьысь ньыль ӧтчам ӵоже элькун парламентэ бырйиськылэ. Берло куинь ӧтчамъёсын бюджетъя, вытъёсъя но коньдон ужпумъёсъя ӧрилэн ёзчиез луэ. Коньдэт но каткылдытъян ужез ӟеч тодэмез оскыса вераны луонлык сётэ, Владимир Владимирович - бюджетъя комиссилы кивалтӥсе тужгес тупасез кандидат шуыса», - пусйиз Владимир Невоструев.
Лушкем куара сётон пыр Владимир Паршин понна дурбасьтэмзэ вераз 49 депутат. Пумит луисьёсыз ӧй вал. Озьы Владимир Паршин бюджетъя, вытъёсъя но коньдон ужпумъёсъя ӧрилы кивалтӥсе быръемын. Ужоскетъёссэ со быдэсъялоз аслаз валтӥсь ужысьтыз кошкытэк.
Тодады вайытом, бюджетъя комиссилэн кивалтӥсезлэн интыез буш кылиз 2020 арын 15 толсуре, азьвылэз кивалтӥсь Юрий Тюрин ужоскетъёсызлэсь аслаз мылкыд каремезъя куштӥськем бере.

Возврат к списку