Владимир Невоструев Президиумлэсь кенешонзэ ортчытӥз
11.02.2021Туннэ Владимир Невоструев дистанционной амалэн Кун Кенешлэн Президиумезлэсь кенешонзэ ортчытӥз. Депутатъёс Россиысь кунпуш ужпумъёсъя министерстволэн Ижкарысь транспортъя линейной ёзэзлэн 2020 арын ужаменыз тодматскизы.
Кызьы ивортӥз ёзлэн кивалтӥсез, полициысь полковник Алексей Коробейников, Ижкарысь транспортъя линейной отдел Горький чугун сюреслэсь 1112 иськем люкетсэ чакласа возе. Нуналлы быдэ сюрес вылтӥ калыкез нуллӥсь 55 но вузъёсты нуллӥсь 60 поездъёс ортчо. Сюреслэн та люкетаз кыдёке мынӥсьёслы чаклам 5 но 14 пригородной вокзалъёс пыро. Шорлыдын вераса, ар ӵоже чугун сюрес вылтӥ 5,5 миллион адями ортче. Со сяна, транспортъя линейной отделлэн эскерон улаз Кам шурлэн Удмуртия но Татарстан пыр ортчись люкетэз но Ижкарысь аэропорт сюро.
Алексей Коробейниковлэн верамезъя, кылем ар ӵоже та интыосын шуккиськон учыръёслэн лыдзы 11,5 процентлы пичияз, 22,2 процентлы ӧжытгес луиз калык интыосын лэсьтэм йыружъёслэн лыдзы.
Сюлмаськытэ наркотикъёсты но ожтӥрлыкез лушкем нуон-ваён учыръёслэн йылэмзы. Озьы ик шараяськизы шер пумиськылӥсь чорыгъёсты катэз тӥяса кутылон но нуллон учыръёс.
Нимысьтыз саклык висъяське нылпиос пӧлын вӧсь луон учыръёсты алон ужпумъёслы. Со понна пиналъёсын но, соослэн анай-атайёсынызы но валэктон уж нуиське, ивортӥз кивалтӥсь.
Президиумлэн ёзчиосыз транспортъя линейной ёзын ужасьёслы тау каризы но валче ужаны дась луэмзы сярысь веразы.
Депутатъёс озьы ик Кизнер ёросэз экономика но мерлык удысъёсъя азинтон ужпумъёсты эскеризы, Кун Кенешлэсь каткылдытъянъя ужан радлыксэ юнматӥзы.
Кызьы ивортӥз ёзлэн кивалтӥсез, полициысь полковник Алексей Коробейников, Ижкарысь транспортъя линейной отдел Горький чугун сюреслэсь 1112 иськем люкетсэ чакласа возе. Нуналлы быдэ сюрес вылтӥ калыкез нуллӥсь 55 но вузъёсты нуллӥсь 60 поездъёс ортчо. Сюреслэн та люкетаз кыдёке мынӥсьёслы чаклам 5 но 14 пригородной вокзалъёс пыро. Шорлыдын вераса, ар ӵоже чугун сюрес вылтӥ 5,5 миллион адями ортче. Со сяна, транспортъя линейной отделлэн эскерон улаз Кам шурлэн Удмуртия но Татарстан пыр ортчись люкетэз но Ижкарысь аэропорт сюро.
Алексей Коробейниковлэн верамезъя, кылем ар ӵоже та интыосын шуккиськон учыръёслэн лыдзы 11,5 процентлы пичияз, 22,2 процентлы ӧжытгес луиз калык интыосын лэсьтэм йыружъёслэн лыдзы.
Сюлмаськытэ наркотикъёсты но ожтӥрлыкез лушкем нуон-ваён учыръёслэн йылэмзы. Озьы ик шараяськизы шер пумиськылӥсь чорыгъёсты катэз тӥяса кутылон но нуллон учыръёс.
Нимысьтыз саклык висъяське нылпиос пӧлын вӧсь луон учыръёсты алон ужпумъёслы. Со понна пиналъёсын но, соослэн анай-атайёсынызы но валэктон уж нуиське, ивортӥз кивалтӥсь.
Президиумлэн ёзчиосыз транспортъя линейной ёзын ужасьёслы тау каризы но валче ужаны дась луэмзы сярысь веразы.
Депутатъёс озьы ик Кизнер ёросэз экономика но мерлык удысъёсъя азинтон ужпумъёсты эскеризы, Кун Кенешлэсь каткылдытъянъя ужан радлыксэ юнматӥзы.