Версия для слабовидящих
Егитъёслэн Кун Кенеш бордын ужась парламентсылэн витетӥ ӧтчамезлэн комитетъёсызлэн кивалтӥсьёссы быръемын

Егитъёслэн Кун Кенеш бордын ужась парламентсылэн витетӥ ӧтчамезлэн комитетъёсызлэн кивалтӥсьёссы быръемын

03.02.2021
Егитъёслэн Кун Кенеш бордын ужась парламентсылэн витетӥ ӧтчамезлэн комитетъёсызлэн кивалтӥсьёссы быръемын
Туннэ Данил Кириковлэн кивалтэмез улсын Егитъёслэн Кун Кенеш бордын ужась парламентсылэн витетӥ ӧтчамезлэн нырысетӥ сессиезлэн кыкетӥ кенешонэз ортчиз. Егитъёс комитетъёсты кылдытӥзы но соослы кивалтӥсьёсты бырйизы.
Кенешонэ пыриськизы Кун Кенешлэн Тӧроез Владимир Невоструев, Кун Думаысь «Единая Россия» фракцилэн кивалтӥсезлэн Нырысетӥ воштӥсез Андрей Исаев, Кун Думаысь дышетонъя но наукая комитетлэн ёзчиез Алексей Загребин, Кун Кенешлэн Президиумезлэн ёзчиосыз, элькун министерствоосын ужасьёс.
Лушкем куара сётон пыр Егитъёслэн парламентсылэн укмыс комитетъёсызлы кивалтӥсьёс быръемын. Парламентлэсь ужзэ радъянъя но калыкен кусып возёнъя комитетлэн тӧроез луиз Анна Тарасова. Фанзиль Гарипов егит парламентаризмъя, кунэз лэсьтонъя но интыысь аскивалтонъя комитетлы тӧрое быръемын. Ирина Кайсина наукая но дышетонъя комитетэн, Линар Багаутдинов – физкультурая, спортъя но кышкыттэмлыкъя комитетэн кивалтозы. Александр Перевозчиков тазалыкез утёнъя но мерлыко политикая комитетлэн, Мария Горячева – культурая, туризмъя но йӧскалык политикая комитетлэн тӧроссы луизы. Егитъёсын ужан политикая, волонтёрствоя но патриотизм мылкыд пыӵатонъя комитетэн кивалтыны оскемын Галина Якушевалы, экономика политикая, ужбергатонъя но коньдон ужпумъёсъя – Кирилл Кузьминлы, экологияя, гурт возёсъя, вузкаронъя но юрттӥськетъёсъя – Анна Михайловалы.
Котькуд комитетлэн ёзчиосыз юнматэмын. Егитъёс со понна асьсэос куриськонъёс гожъязы.

Возврат к списку