Удмурт Элькунлэн 2021 но вуоно 2022 но 2023 аръёслы коньдэтэз сярысь катӵектосъя шара кылзонъёс ортчизы
12.11.2020Туннэ Кун Кенешлэн Тӧроезлэн Нырысетӥ воштӥсез Надежда Михайлова кивалтэм улсын элькунлэн вуоно аръёслы бюджетэз сярысь катӵектосъя шара лыдӟонъёслэн очной люкетсы радъяськиз. Ужрад дистанционной амалэн ортчиз.
Кылзонъёсы котькуд мылкыд карись мурт пыриськыны быгатӥз. Кун Кенешлэн сайтаз кылзонъёслэн меӵак трансляцизы мынӥз.
Кылзонъёслэн валтись ужпумзы – коньдэтэз дасян но кутон ужез адямиос понна шара но валамон ортчытон. Выль коронавирус инфекциен нюръяськон вакытэ солэн кулэлыкез уката но будэ, пусйиз Надежда Михайлова.
Кылзонъёсы пыриськисьёс элькунлэсь экономика но мерлык удысъёссэс азинтонъя прогнозэн тодматскизы. Ивортон лэсьтӥз Удмуртилэн экономикая министрез Михаил Тумин.
Коньдэтлэн аспӧртэмлыкъёсыныз тодматӥз коньдон ужпумъёсъя министр Станислав Евдокимов. Солэн верамезъя, вуоно арын шаерамы вань мерлыко ужпумъёс быдэстэмын луозы, йӧскалык проектъёсъя уж азьланьтӥськоз, ёросъёслы юрттэт висъяськоз, федерал бюджетысь коньдон кыскон уж нуиськоз.
2021 арын табышъёслэн быдӟалазы 65 млрд. 935 млн. манет шуыса пусъемын,
уже кутыны 65 млрд. 959 млн. манетэз чакламын.
Шаерамы 11 йӧскалык проектъёс ужало, соосты быдэсъян понна 50 улосвыл ӵектосъёс кылдытэмын. Станислав Евдокимов верамъя, Удмуртия понна йӧскалык проектъёслы коньдон висъян 97/3 люкетэн чакламын, 97 процентэз со – федерал коньдон, 3 процентэз – элькун но инты бюджетъёсысь уксё. Ваньмыз-ӧвӧлэз йӧскалык проектъёслы вуоно арын 9 млрд. 340 млн. манет чакламын, 6 млрд. 176 млн. манетэз со – федерал бюджетысь коньдон.
Министр пусйиз, туннэ нуналлы ваньмыз ик кулэяськонъёс бюджетын пусъемын ӧвӧл, но кыкетӥ лыдӟонлы вань мерлыко ёзэтъёс коньдонэн юнматэмын луозы. Элькун Кивалтэтлэн Тӧроезлэн воштӥсез Анатолий Строков верамъя, шара лыдӟонъёс дыръя чузъяськем вань куронъёс но ӵектонъёс лыдэ басьтэмын луозы.
Шара лыдӟонъёслэн очной люкетсы бере 3 нунал ӵоже вань мылкыд карисьёс асьсэлэсь ӵектонъёссэс вераны быгато на. Соосты электрон почтае budjet@gossovet.udm.ru яке кагаз вылын Удмурт Элькун, Ижкар, пл. им. 50-летия Октября, 15, каб. № 411 адресъя келяно.
Кылзонъёсы котькуд мылкыд карись мурт пыриськыны быгатӥз. Кун Кенешлэн сайтаз кылзонъёслэн меӵак трансляцизы мынӥз.
Кылзонъёслэн валтись ужпумзы – коньдэтэз дасян но кутон ужез адямиос понна шара но валамон ортчытон. Выль коронавирус инфекциен нюръяськон вакытэ солэн кулэлыкез уката но будэ, пусйиз Надежда Михайлова.
Кылзонъёсы пыриськисьёс элькунлэсь экономика но мерлык удысъёссэс азинтонъя прогнозэн тодматскизы. Ивортон лэсьтӥз Удмуртилэн экономикая министрез Михаил Тумин.
Коньдэтлэн аспӧртэмлыкъёсыныз тодматӥз коньдон ужпумъёсъя министр Станислав Евдокимов. Солэн верамезъя, вуоно арын шаерамы вань мерлыко ужпумъёс быдэстэмын луозы, йӧскалык проектъёсъя уж азьланьтӥськоз, ёросъёслы юрттэт висъяськоз, федерал бюджетысь коньдон кыскон уж нуиськоз.
2021 арын табышъёслэн быдӟалазы 65 млрд. 935 млн. манет шуыса пусъемын,
уже кутыны 65 млрд. 959 млн. манетэз чакламын.
Шаерамы 11 йӧскалык проектъёс ужало, соосты быдэсъян понна 50 улосвыл ӵектосъёс кылдытэмын. Станислав Евдокимов верамъя, Удмуртия понна йӧскалык проектъёслы коньдон висъян 97/3 люкетэн чакламын, 97 процентэз со – федерал коньдон, 3 процентэз – элькун но инты бюджетъёсысь уксё. Ваньмыз-ӧвӧлэз йӧскалык проектъёслы вуоно арын 9 млрд. 340 млн. манет чакламын, 6 млрд. 176 млн. манетэз со – федерал бюджетысь коньдон.
Министр пусйиз, туннэ нуналлы ваньмыз ик кулэяськонъёс бюджетын пусъемын ӧвӧл, но кыкетӥ лыдӟонлы вань мерлыко ёзэтъёс коньдонэн юнматэмын луозы. Элькун Кивалтэтлэн Тӧроезлэн воштӥсез Анатолий Строков верамъя, шара лыдӟонъёс дыръя чузъяськем вань куронъёс но ӵектонъёс лыдэ басьтэмын луозы.
Шара лыдӟонъёслэн очной люкетсы бере 3 нунал ӵоже вань мылкыд карисьёс асьсэлэсь ӵектонъёссэс вераны быгато на. Соосты электрон почтае budjet@gossovet.udm.ru яке кагаз вылын Удмурт Элькун, Ижкар, пл. им. 50-летия Октября, 15, каб. № 411 адресъя келяно.